La Garriga
 La Garriga | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Cataluña | ||
| Provincia |  provincia de Barcelona | ||
| Ámbitu funcional territorial | Ámbitu Metropolitanu de Barcelona | ||
| Contorna | Vallès Oriental | ||
| Tipu d'entidá | conceyu de Cataluña | ||
Alcaldesa de La Garriga (es)  |
Meritxell Budó i Pla (es) (Junts per Catalunya) | ||
| Nome oficial | Garriga, La (ca)[1] | ||
| Códigu postal |
08530 | ||
| Xeografía | |||
| Coordenaes | 41°40′49″N 2°17′00″E / 41.68039°N 2.28333°E | ||
  La Garriga La Garriga (España)  | |||
| Superficie | 18.8 km² | ||
| Altitú | 252 m[2] | ||
| Llenda con | Figaró-Montmany, Cànoves i Samalús, Les Franqueses del Vallès y L'Ametlla del Vallès | ||
| Demografía | |||
| Población |
17 052 hab. (2023) - 7987 homes (2019) - 8527 muyeres (2019) | ||
| Porcentaxe | 100% de Vallès Oriental | ||
| Densidá | 907,02 hab/km² | ||
| Viviendes | 53 (1553) | ||
| Más información | |||
| Estaya horaria | UTC+01:00 | ||
| lagarriga.cat | |||
 | |||
La Garriga ye una ciudá de la provincia de Barcelona en Cataluña. Asitiada na contorna del Vallès Oriental.
La Garriga ye conocida en toa Cataluña pola so industria más importante, los muebles, polos sos agües termales, poles sos edificios modernistes y poles alfombres que se realicen mientres la fiesta del Corpus Christi.
Xeografía
[editar | editar la fonte]
La Garriga llinda col Parque Natural del Montseny. El términu ta trevesáu, de norte a sur, pel ríu Congost, un afluente del Besós.
| Figaró-Montmany | Figaró-Montmany | |
| L'Ametlla | 
|
Cánovas |
| L'Ametlla | Les Franqueses del Vallès | Les Franqueses del Vallès |
Toponimia
[editar | editar la fonte]El topónimu deriva de la coscoja, en catalán "garric" (Quercus coccifera), que forma una comunidá llamada garriga. Los primeros habitantes dataos, los romanos, punxéron-y el nome polo abondosa que ye esta planta. La coscoja pertenez al xéneru Quercus, como les encines y los carbayos, y ye típica de la zona mediterránea.
Historia
[editar | editar la fonte]La so situación cercana a Barcelona, la so clima, y la presencia d'agües termales convirtieron a La Garriga n'unu de los llugares de veranéu preferíos de la burguesía catalana d'empiezos del sieglu XX, fechu que favoreció la construcción d'edificios modernistes na población.
La Garriga foi una de les poblaciones catalanes bombardiaes pola aviación franquista mientres la Guerra Civil. Ello ye que anguaño entá se caltién un abellugu antiaéreo, al que pueden realizase visites empuestes.
Monumentos históricos
[editar | editar la fonte]La villa romana de Can Terrés
[editar | editar la fonte]La villa romana de Can Terrés atópase allugada al sur del términu municipal y foi construyida nel sieglu I e. C.. Trátase d'un edificiu d'unos 200 m², y pol so bon estáu de caltenimientu, considérase unu de los asentamientos rurales de dómina romana más relevantes del patrimoniu cultural catalán.
La ilesia de l'Adomadura
[editar | editar la fonte]
L'antigua ilesia parroquial ye unu de los monumentos más interesantes del conceyu. Ye una construcción con elementos románicos y góticos qu'escuende un interesante retablu góticu dedicáu a San Esteban, el patrón de la población. Data de 1492 y atribúyese a la escuela pictórica de los Huguet-Vergós. L'Adomadura entá caltién l'encantu de les antigües ilesies rurales.
La ermita de Santa Maria del Camí
[editar | editar la fonte]L'orixe de la ermita de Santa Maria del Camí hai que buscalo nel sieglu X, pero l'actual edificiu respuende a cambeos fechos nel sieglu XII. La capiya foi construyida sobre unes antigües ruines romanes.
De planta prerrománica, nel edificiu destaca arquitectónicamente la portada del sieglu XII. Trátase d'una capiya d'una sola nave y cubierta con un arcu fajón.
Xunto cola capiya de Santa Maria del Camí había un antiguu monesteriu que fundó l'abadesa Emma del Sant Joan de les Abadesses en 921 pa la so hermana Xixilona y nel marcu de la política repobladora que la caracterizó. Dambes yeren fíes del conde Wifredo el Velloso.
Evolución demográfica
[editar | editar la fonte]La Garriga esperimentó una fuerte crecedera debida al movimientu demográficu escontra la periferia de Barcelona y una fuerte tasa d'inmigración.
Evolución demográfica de La Garriga ente 1991 y 2008:
| 1991 | 1996 | 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2010 | 2011 | 2012 | 2013 | 2014 | 2015 | 2016 |
|---|---|---|---|---|---|---|---|---|---|---|---|---|---|---|---|---|---|---|---|
| 9.447 | 10.476 | 10.929 | 11.274 | 11.547 | 11.953 | 12.333 | 12.634 | 12.923 | 13.472 | 13.942 | 14.183 | 14.585 | 15.069 | 15.236 | 15.472 | 15.586 | 15.762 | 15.740 | 15.912 |
Alministración
[editar | editar la fonte]| Llexislatura | Nome | Partíu |
|---|---|---|
| 1979-1983 | Núria Albó i Corrons |  PSC
|
| 1983-1987 | Núria Albó i Corrons | PSC
|
| 1987-1991 | Alfred Vilar i Serra |  CiU
|
| 1991-1995 | Alfred Vilar i Serra | CiU
|
| 1995-1999 | Alfred Vilar i Serra | CiU
|
| 1999-2003 | Alfred Vilar i Serra | CiU
|
| 2003-2007 | Miquel Pujol i Jordà |  ERC
|
| 2007-2011 | Meritxell Budó i Pla / Neus Bulbena i Burdó | CiU / PSC
|
| 2011-2015 | Meritxell Budó i Pla | CiU
|
| 2015-2019 | Meritxell Budó i Pla | CiU
|
| 2019-2023 | n/d | n/d |
| 2023- | n/d | n/d |
Personaxes pernomaos
[editar | editar la fonte]- Núria Albó, pedagoga y escritora.
- Josep Aymerich i Subirats: (1889-1971) maestre y promotor del cantar coral.
- Frai Benet de la Garriga: (1711-1783) missionero na Guayana.
- Albert Benzekry i Fortuny: cronista y fotógrafu.
- Manuel Blancafort i de Roselló: (1897-1987) músicu y compositor sinfónicu.
- Albert Blancafort i París: compositor y direutor de coru.
- Santiago Cucurella i Fernàndez: profesor, historiador y promotor cultural.
- Lluís Cuspinera i Font: arquiteutu.
- Andreu Dameson: (1897-1968), dibuxante.
- Albert Ferrer: cantante.
- Joan Garriga, vocalista y compositor de los grupos Dusminguet y Trobar Kung-Fú.
- Toni Jiménez Sistachs, futbolista profesional, retiráu. Medaya d'oru nos xuegos Olímpicos de Barcelona'92.
- Joan Martí i Viñolas: (1887-1978) ciclista pioneru catalán.
- Jordi Mas Castells: (1930-2010) misioneru en Camerún.
- Josep Maurí Serra: (1912-1967) notariu ya historiador.
- Jaume Oliveras i Brossa: (1877-1957) precursor del montañismo y misioneru na Guayana.
- Ramon Pareras i Noguera: (1848-1915) políticu catalanista.
- Manuel Joaquim Raspall i Mayol (1877-1937) arquiteutu.
- Joan Reig i Viñes (1902-1982) alcalde de La Garriga ente 1940 y 1949
- José Sancho Marraco, músicu organista y compositor.
- Isidre Sauqué Lagarriga, campeón d'España de tiru con arcu el 26 de xunu de 1949.
- José Segú, ciclista profesional.
- Martí Sunyol i Genís: farmacéuticu y escritor
Referencies
[editar | editar la fonte]- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ URL de la referencia: http://www.idescat.cat/pub/?id=aec&n=925&t=2016.
Enllaces esternos
[editar | editar la fonte]Wikimedia Commons acueye conteníu multimedia sobre La Garriga.
- Páxina web del Conceyu (en catalán)
- Información de la Xeneralidá de Cataluña (en catalán)
- Información del Institutu d'Estadística de Cataluña (en catalán)
