LaWanda Page

LaWanda Page
Vida
Nacimientu	Cleveland[1], 19 d'ochobre de 1920[2]
Nacionalidá	Estaos Xuníos
Llingua materna	inglés
Muerte	Hollywood[1], 14 de setiembre de 2002[2] (81 años)
Sepultura	Cementerio Inglewood Park (es)
Causa de la muerte	Diabetes
Estudios
Llingües falaes	inglés
Oficiu	actriz, actriz de televisión, actriz de cine
IMDb	nm0656250

LaWanda Page (19 d'ochobre de 1920, Cleveland – 14 de setiembre de 2002, Hollywood) foi una actriz d'Estaos Xuníos, conocida principalmente pola so interpretación d'Esther Anderson na sitcom Sanford and Son.

El so verdaderu nome yera Alberta Peal, y nació en Cleveland (Ohio), anque crióse en Saint Louis (Missouri).

Page empezó la so carrera nel mundu del espectáculu trabayando en pequeños nightclubs, nos que yera anunciada como "The Bronze Goddess of Fire".

Más palantre, foi convencida pol so amigu Redd Foxx p'actuar como humorista en solitariu. Grabo dellos discos en direuto coles sos actuaciones pal sellu Laff Records a finales de la década de 1960 y entamos de la de 1970. Aprovechando la so fama televisiva, unu de los álbumes, un discu d'oru llamao Watch it, Sucka!, recibió'l títulu en referencia a una frase dicha pol so personaxe Esther Anderson na serie Sanford and Son.

Amás d'en Sanford and Son, Page tamién actuó en dellos episodios del show de Dean Martin "Celebrity Roasts," y a lo llargo de les siguientes dos décades foi artista convidada n'otros programes televisivos, incluyendo Amen, Martin, 227, Family Matters, y Diff'rent Strokes.

A principios de la década de 1990 participó en delles temes del álbum de debú de RuPaul, tituláu Supermodel of the World, destacando l'ésitu Supermodel (You Better Work). Tamién actuó en dellos videos de cantares del mesmu.

Poco primero de finar actuó nuna serie de comerciales humorísticos de Church's Chicken repitiendo la frase "Gotta love it!" Ente les sos interpretaciones pal cine figuren les que fizo nel filme de Steve Martin My Blue Heaven, un cameo en Friday, y un papel en Don't Be a Menace to South Central While Drinking Your Juice in the Hood.

LaWanda Page finó por causa d'una diabetes en 2002, en Hollywood, California. Foi soterrada nel Campusantu Inglewood Park d'Inglewood.

• Esta obra remanez de la traducción de LaWanda Page de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• LaWanda Page na Internet Movie Database (n'inglés)
• LaWanda Page en Findadeath.com Archiváu 2015-10-24 en Wayback Machine