Hugh Marlowe

Hugh Marlowe
Vida
Nacimientu	Filadelfia, 30 de xineru de 1911[1]
Nacionalidá	Estaos Xuníos
Muerte	Nueva York, 2 de mayu de 1982[1] (71 años)
Sepultura	Cementerio Ferncliff (es) [2]
Causa de la muerte	infartu de miocardiu
Familia
Casáu con	Edith Atwater K. T. Stevens (1946 – 1968)
Estudios
Llingües falaes	inglés[3]
Oficiu	actor de teatru, actor de cine, actor de televisión
Xéneru artísticu	western
IMDb	nm0549280

Hugh Herbert Hipple (30 de xineru de 1911, Filadelfia – 2 de mayu de 1982, Nueva York), foi un actor de teatru, cine, televisión y radio d'Estaos Xuníos. Davezu interpretó calteres secundarios nes películes nes que participó.

Empecipió la so carrera teatral nel teatru Pasadena Playhouse, en California, pa debutar en 1936, en Broadway, na obra Arrest That Woman. El mesmu añu debutó en cine, na producción Brilliant Marriage, participando en 4 producciones más na década de 1930.

Na década de 1940, participó en El matrimoniu ye un asuntu priváu (1944), compartiendo papeles con Lana Turner y Keenan Wynn; apaeciendo en 6 producciones más, ente les cualos destaquen La sra. Parkington (1944), La rueda de la fortuna (1944) y na gallardoniada Twelve O'Clock High (1949), xunto a Gregory Peck.

Nes siguientes décades destaquen Night and the City (1950), All About Eve (1950), The Day the Earth Stood Still (1951), Earth vs. the Flying Saucers (1956), Mundu ensin fin (1957), El fueu y la pallabra (1960), Birdman of Alcatraz (1961) y Seven Days in May (1964). El restu de la década apaeció principalmente en series de televisión.

Marlowe, conocíu pola so seria actitú, foi un intérprete regular de la serie televisiva de la dómina Another World, que foi la so última apaición profesional.

Finó a los 71 años d'edá d'un infartu de miocardiu.

Tuvo casáu cola actriz Edith Atwater (divorciaos en 1946). Con K. T. Stevens (1946 - 1968), con quien tuvo dos fíos, y con Rosemary Torri (1968 - 1982) con quien tuvo un fíu.

• Mrs. Parkington (1944)
• Meet Me in St. Louis (1944)
• Come to the Stable (1949)
• Twelve O'Clock High (Twelve O'Clock High) (1949)
• Night and the City (1950)
• All About Eve (All About Eve) (1950)
• Rawhide (1951)
• Mr. Belvedere Rings the Bell (1951)
• The Day the Earth Stood Still (1951)
• Wait 'Till the Sun Shines, Nellie (1952)
• Monkey Business (1952)
• Casanova's Big Night (1954)
• Garden of Evil (1954)
• Illegal (1955)
• Earth vs. the Flying Saucers (1956)
• World Without End (1957)
• El fueu y la pallabra (Elmer Gantry) (1960)
• Birdman of Alcatraz (1961)
• Panic in Year Zero! (1962)
• Seven Days in May (Seven Days in May) (1964)
• The Virginian (Trail To Ashley Mountain) (1966)
• How to Steal the World (1968)
• The Last Shot You Hear (1969)

• Hugh Marlowe na Internet Movie Database (n'inglés)
• Hugh Marlowe's Gravesite & Photos