Gran Enciclopedia Aragonesa

Gran Enciclopedia Aragonesa
Datos
Tipu	obra escrita
Idioma	castellanu
Data de publicación	1977
Tema principal	Aragón
Páxina web	enciclopedia-aragonesa.com

La Gran Enciclopedia Aragonesa, davezu embrevida como GEA, ye una enciclopedia temática sobre Aragón.

El precedente de la GEA ye la obra Los aragoneses,^[1] espublizada en 1977 pola editorial Istmo; ún de los sos autores ye Eloy Fernández Clemente.

En 1978 José Mª Sáiz, fundador de la editorial Unión Aragonesa del Libro (UNALI) propón a Eloy Fernández Clemente entamar una enciclopedia sobre Aragón,^[2] que va ser asoleyada ente 1980-1981. Esta primer edición de la Gran Enciclopedia Aragonesa espublizóse en 12 tomos y tuvo una gran acoyida.

Ente 1983 y 2007 publicáronse los Apéndices I a V. Fueron directores de los apéndices: Eloy Fernández Clemente (I, III y IV), Manuel Martín Bueno (II) y Wifredo Rincón García (V).

En 1999, la editora del diariu El Periódico de Aragón adquirió los derechos de la enciclopedia y actualizóla, publicando al añu siguiente una nueva edición de la que se vendieron más de 8000 exemplares.^[3]Esta nueva edición ye popularmente conocida como GEA 2000. En febreru de 2003, espublizóse'l so primer y únicu tomu d'actualización, l'apéndiz I qu'ente les sos fueyes recoyía los dos últimos años de la vida d'Aragón.^[4]

GEA 2000 reordenó toles voces ya incluyó nun mesmu orde alfabéticu les de tolos apéndices publicaos hasta entós, Apéndiz I (1983), Apéndiz II (1987) y Apéndiz III (1997), polo qu'esa nueva edición tien 16 tomos.

La enciclopedia empezó a pasar del papel a una versión en dixital en 2002, y en setiembre de 2003 llanzóse la versión 1.0 de la Gran Enciclopedia Aragonesa On-Line, que va ser conocida como GEA OnLine. El Gobiernu d'Aragón sofitó la revisión y anovación de los conteníos de la enciclopedia en llinia p'adautalos al currículu aragonés y fomentar asina'l so usu didácticu, al empar que'l so accesu llibre per internet.^[5]

• Borrás Gualis, Gonzalo M. (2010). «Compañeros de viaje», Pedro Rújula (Coord.): EFC: Eloy Fernández Clemente: El tiempo y la historia. Andorra (Teruel): Ayuntamiento de Andorra & Centro de Estudios Locales, páx. 173-186. ISBN 978-84-936068-5-5.
• Gobierno de Aragón, Departamento de Presidencia (5 de xunetu de 2007). «ORDEN de 5 de xunetu de 2007, del Departamento de Presidencia y Relaciones Institucionales, por la que se dispone la publicación del Adenda al Convenio marco de colaboración suscrito con fecha 18 de junio de 2007, entre el Ministerio de Industria, Comercio y Turismo y la Comunidad Autónoma de Aragón, para el desarrollo del Programa Ciudadanía Digital 2007-2010, en el ámbito del plan Avanza». Boletín Oficial de Aragón (84):  páxs. 11025-11030. http://www.boa.aragon.es/cgi-bin/EBOA/BRSCGI?CMD=VEROBJ&MLKOB=210734674747. Consultáu'l 10 de setiembre de 2014. 
• Gran Enciclopedia Aragonesa. «Quiénes somos». Consultáu'l 28 d'agostu de 2014.
• Pinilla, Vicente (2010). «El hombre público: de los años 80 a la actualidad», Pedro Rújula (Coord.): EFC: Eloy Fernández Clemente: El tiempo y la historia. Andorra (Teruel): Ayuntamiento de Andorra & Centro de Estudios Locales, páx. 87-96. ISBN 978-84-936068-5-5.

• Portada de la GEA.