Gaua

Gaua
Situación
País	Vanuatu
Provincia (es)	Torba (es)
Tipu	islla
Parte de	Islles Banks
Asitiáu en	Mar del Coral
Coordenaes	14°15′54″S 167°31′12″E / 14.265°S 167.52°E / -14.265; 167.52
Gaua Gaua (Vanuatu)
Datos
Altitú media	455 m
Puntu más altu	Monte Gharat (es)
Superficie	328,2 km²
Población	2491
Fusu horariu	UTC+11:00
Llonxitú	21 km

Gaua (anteriormente conocida como Islla Santa María) ye la mayor de les Islles Banks en la provincia de Torba, nel norte de Vanuatu con una superficie de 342 km².

Tien un terrén accidentáu, el mayor altor algama los 797 m del Monte Gharat, el picu del volcán activu nel centru de la islla. La erupción más recién foi en 2011. El volcán tien una caldera de 6x9 km, que ye un llagu de cráter conocíu como llagu Letas, el llagu más grande de Vanuatu. Al este del llagu ta la cascada de Siri (120 m de cayida).

La islla tenía una población de 2.491 habitantes en 2009, con una tasa de crecedera añal del 2,0 per cientu. Esta población ta xebrada en delles aldegues na mariña nos llaos oeste, sur y nordeste de la islla. El llau este tien dellos pueblos con una población d'inmigrantes provenientes principalmente de les dos islles más pequeñes de Merig y Merelava, al sureste de Gaua. El pueblu más grande ye Jolap, na mariña oeste.^[1]

Amás del idioma d'esta población inmigrante (mwerlap), hai cinco idiomes que se falen tradicionalmente en Gaua: lakon o vuré; olrat, koro, dörig y nume.

Gaua foi columbrada per primer vegada polos europeos mientres la espedición española de Pedro Fernández de Quirós, del 25 al 29 d'abril de 1606. El primer nome de la islla foi Santa María.

La población de Gaua vive de la economía agrícola tradicional de Melanesia, en combinación cola pesca y la horticultura. Les principales esportaciones son copra y cacáu.

Gaua tien un aeropuertu (códigu ZGU).

• 
  Volcán Gharat y lagu Letas
• 
  Cascada Siri
• 
  Sablera Baravit (mariña oriental)
• 
  Naturales de la islla

• Kelly, Celsus, O.F.M. La Austrialia del Espíritu Santo. The Journal of Fray Martín de Munilla O.F.M. and other documents relating to the Voyage of Pedro Fernández de Quirós to the South Sea (1605-1606) and the Franciscan Missionary Plan (1617-1627) Cambridge, 1966, p.39, 62. (n'inglés)

• Wikimedia Commons acueye conteníu multimedia sobre Gaua.

• Gaua n'OpenStreetMap.
• Guía de Gaua, (n'inglés)