Francu CFP

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Francu CFP}} ~~~~

Francu CFP
País	Francia
Entidá emisora	Instituto de Emisión de Ultramar (es)
Símbolu	₣
Códigu ISO 4217	XPF

El Francu CFP (Franc Pacifique o Franc CFP) ye la moneda emplegada nos territorios franceses del Océanu Pacíficu Sur que vienen darréu:

• País d'Ultramar de la Polinesia Francesa.
• Coleutividá Sui Generis de Nueva Caledonia.
• Coleutividá d'Ultramar de Wallis y Futuna.

CFP acostumaba ser l'abreviación de 'Colonies Françaises du Pacifique, pero ahora entiéndese como Change Franc du Pacifique.

Esta moneda creóse n'avientu de 1945, xunta col Francu CFA, emplegáu nes colonies franceses africanes. El motivu pa la creación d'estos francos foi la debilidá del Francu Francés dempués de la Segunda Guerra Mundial. Cuando Francia ratificó l'alcuerdu de Bretton Woods n'avientu de 1945, el Francu Francés devaluóse col oxetivu d'establecer una paridá col dólar d'Estaos Xuníos. Estes nueves monedes foron feches pa salvar a les colonies franceses de la devaluación d'avientu de 1945. René Pleven, Ministru Francés de Finances díxo al respeutive: "En una muestra de xenerosidá la Francia Metropolitana, col enfotu de que les sos fíes llonxanes nun sufran la consecuencia de la so propia probitú, ta estableciendo paridaes estremaes nes sos monedes".

El Francu CFA y les otres monedes de les colonies foron lligaes a la paridá del Francu Francés, non asina'l Francu CFP, que foi lligáu a la paridá col dólar d'Estaos Xuníos, que desendolcó un papel mayor na economía de los Territorios Franceses del Pacíficu dempués de la Segunda Guerra Mundial. Esta situación finó en setiembre de 1949, cuando'l Francu CFP foi lligáu a la paridña Francu Francés.

El Francu CFP emítelu l'IEOM (Institut d'émission d'outre-mer) dende 1967. Ésti alcuéntrase en París.

• Wikimedia Commons tien conteníu multimedia tocante a Francu CFP.