Dorothy Davenport

Dorothy Davenport
Vida
Nacimientu	Boston, 13 de marzu de 1895[1]
Nacionalidá	Estaos Xuníos
Llingua materna	inglés
Muerte	Woodland Hills, 12 d'ochobre de 1977[1] (82 años)
Sepultura	Forest Lawn Memorial Park
Familia
Padre	Harry Davenport
Madre	Alice Davenport
Casada con	Wallace Reid (1913 – 1923)
Fíos/es	Wallace Reid Jr.
Estudios
Llingües falaes	inglés
Oficiu	actriz, direutora de cine, guionista, actriz de cine, productora de cine
IMDb	nm0202590

Dorothy Davenport (13 de marzu de 1895, Boston – 12 d'ochobre de 1977, Woodland Hills) foi una actriz, guionista, direutora y productora cinematográfica d'Estaos Xuníos, que la so trayeutoria principal tuvo llugar na dómina del cine mudu, nos Biograph Studios so la direición de D.W. Griffith.

Nacida en Boston, Massachusetts, la familia de Davenport yera bien conocida nel ambiente teatral. La so tía, Fanny Davenport, yera considerada una de les grandes actrices de la dómina. El so padre, Harry Davenport, foi una estrella teatral del circuitu de Broadway.

Con estos antecedentes familiares, na so adolescencia pudo empezar a interpretar pequeños papeles na incipiente industria cinematográfica. Asina, a los 17 años d'edá yá yera una estrella d'Universal Studios. Davenport yera una esperta caballeru, y llevaba cabu munches de les sos propies escenes peligroses. Trabayando con Universal conoció al mozu actor Wallace Reid, col cual casóse'l 13 d'ochobre de 1913.

Davenport y Reid trabayaron xuntos a razón de dos filmes selmanales nel añu siguiente, nos cualos Reid dirixía y actuaba. Cuando Reid dexó Universal, Davenport dexó'l cine, anque volvió en 1916 pa interpretar un pequeñu númberu de cintes.

Mientres rodaba en Oregón The Valley of the Giants (1919), Wallace Reid foi mancáu nun accidente de tren. Como remediu de les sos remortines dolioses, los médicos del estudiu alministráronlu grandes dosis de morfina, lo cual convirtió-y nun adictu. Nos siguientes años la salú de Reid empioró, finando por causa de la adicción en 1923. Tres la muerte de Reid, Davenport y Thomas Harper Ince coprodujeron el filme Human Wreckage (1923), con James Kirkwood, Sr., Bessie Love y Lucille Ricksen, una cinta na que se trataba'l peligru de la dependencia a los narcóticos. Tres ello nun volvió a la pantalla hasta dirixir y actuar en The Red Kimona (1925). Darréu dirixiría Linda (1929), Sucker Money (1933), Road to Ruin (1934), y The Woman Condemned (1934). Ente los sos últimos creitos figuren el so trabayu como guionista de Footsteps in the Fog (1955), y direutora de diálogos de The First Traveling Saleslady (1956), película interpretada por Ginger Rogers.

Davenport y el so home tuvieron dos fíos. Tres la muerte de Reid, ella nun volvió casar se. Dorothy Davenport finó en 1977 nel Motion Picture & Television Country House and Hospital de Woodland Hills (Los Angeles), California. Foi soterrada al pie del so home, nel Campusantu Forest Lawn Memorial Park de Glendale (California).

• Esta obra remanez de la traducción de Dorothy Davenport de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Wikimedia Commons acueye conteníu multimedia sobre Dorothy Davenport.
• Dorothy Davenport na Internet Movie Database (n'inglés)
• «Dorothy Davenport». en Find a Grave. (n'inglés)