Dómina (astronomía)

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Dómina (astronomía)}} ~~~~

N'astronomía, época, o tamién dómina de les coordenaes, ye una fecha precisa a la que faen referencia les coordenaes celestes calculaes pa les estrelles. Teniendo como orixe que dalgunos de los movimientos de la Tierra son perceutibles, tales como'l xiru sobre la so exa (día) y el xiru alredor del Sol (añu) y otros non tan perceptibles, conocíos col nome de precesión y nutación, ye d'entender que les coordenaes de les estrelles camuden, magar que cuasi imperceutiblemente, cada añu. Por esta razón resulta oportuno facer referencia a un precisu intre de tiempu pal so cálculu.

La dómina de les coordenaes que más s'usa nos actuales atles celestes y nes Efemérides ye'l de J2000.0, que s'afita como referencia nel 1 de xineru de 2000 a les 12:00 TT. El prefixu «J» vien a indicar que ye Dómina xuliana. L'estándar anterior foi B1950.0, col prefixu «B» indicando que yera Dómina besseliana.

Les dómines besselianes emplegáronse enantes de 1984 y anguaño, nos cálculos astronómicos empléguense namái dómines xulianes.

• El Catálogu Henry Draper emplega B1900.0
• Les contornes o llendes de les constelaciones definiéronse en 1930 per aciu de llinies d'ascensión reuta y declinación pa la dómina B1875.0.

Les dómines que faen referencia a los elementos orbitales danse por norma xeneral en tiempu terrestre (TT) y descríbense distintos formatos:

• Dates en Gregorianu con representación en 24-hores time: 2000 Jan. 1, 12:00 TT
• Dates en formatu gregorianu con una parte fraicionaria del día: 2000 Jan. 1.5 TT
• Día xulianu con día representáu de forma fraicionaria: JDT 2451545.0
• Emplegando los elementos orbitales definíos pol formatu de la NASA/NORAD como por exemplu: 00001.50000000

• Wikimedia Commons tien conteníu multimedia tocante a Dómina (astronomía).