Díes festivos islámicos

Esti artículu forma parte de la serie Islam

Creencies

Alá Tawhid Profetes del Islam Corán

Práutiques

Xaḥada Salat · Ramadán Zakat · Ḥajj

Testos y lleis

Corán · Sunna · Ḥadiz Fiqh · Xaria · Calam

Hestoria

Hestoria del Islam Espardimientu del Islam Revolución agrícola del islam medieval

Cañes del Islam

Sunismu · Chiísmu Kharijismu · Sufismu

Cultura y sociedá

Arte · Estudios islámicos Filosofía · Calendariu Fiestes · Mezquita

Los díes festivos islámicos son aquellos onde se suspenden llabores y celébrense preceptos relixosos designaos nel Islam. Esisdíes festten dos grandes exemplos d'estes feches que tienen la so conmemoración con una frecuencia añal; el Eid al-Fitr y el Eid al-Adha.

El Eid al-Fitr (del árabe عيد الفطر) yel día de folixa que solemniza el fin del largu ayuu del Ramadán. Mientre el Ramadán, los musulmanes en tol mundu realicen un ayunu diariu dende enantes del alba hasta la puesta del sol, tomando'l su primer comida al averase la oración del anochar. L'envís del ayunu ye enseñar a los musulmanes la paciencia y l'humildá, según tamién pa recorda-yos lo afortunaos que son y faer fincapié na ayuda al precisáu y aquellos con menos suerte. El Eid al-Fitr empecipia dempués del ocaso del últimu día del Ramadán. Nes hores tempranes de la mañana del primer día del Shawwal (xornada inaugural del Eid al-Fitr), los musulmanes realicen un plegaria ritual, entós pártense duces, comida y bébores ensin alcohol nes mezquites y llares. Les celebraciones duren trés díes nos países islámicos.

El Eid al-Adha (عيد الأضحى), cai aproximao 70 díes dempués del Eid al-Fitr y ye celebráu n'honor al profeta Abraham remembrando asina, cuando intentó sacrificar al so fíu Ismael como prueba de la so llealtá a Dios. El Eid al-Adha podría traducise como "celebración del sacrificiu", que ye representada polos musulmanes de tol mundu cola ufrienda d'un sacrificiu animal (comúnmente una corderu) como una aición de gratitud pa Dios por salvar la vida del fíu del profeta. La carne del animal ye dixebrada en tercios, una pa la persona qu'agasaya a la bestia, otra pa partila ente los sos parientes probes y el postreru terciu pa los precisaos, independientemente del so relixón, raza o nacionalidá.

El Āshūrā ye festexáu ente'l novenu y décimu día del Muharram, del calendariu musulmán. El Āshūrā ye una pallabra árabe que significa "diez", siendo una fecha de guardar ayunu opcional. Pa los musulmanes sunitas, ye motivu de celebración porque foi'l día en que l'Arca de Noé consiguió aposentarse, el profeta Ibrahim (Abraham) nació y el Kaaba foi construyíu. Pa los chiítes, ye un día de duelu, porque ye la fecha en que'l nietu de Mahoma, Husayn ibn Ali, foi asesináu na batalla de Karbala.

El Laylat al-Qadr, que n'árabe significa "La nueche del poder" o "Nueche de l'autoridá", cai n'unu de los postreros diez díes del Ramadan (de númberu impar). Los musulmanes tienen la creyencia de que la nueche d'esti día, foi que Dios unvió los primeros capítulos del Corán por mediu del arcánxel Gabriel, al profeta Mahoma cuando él tenía cuarenta años d'edá. Ye tamién l'aniversariu de la nueche en que'l Corán foi sopelexáu per primer vegada na so integridá por Mahoma. Esi día ye bien importante porque tolo que pidan los musulmanes va cumplíse-yos.

• Wikimedia Commons tien conteníu multimedia tocante a Díes festivos islámicos.