Bob Hope

Bob Hope
Vida
Nacimientu	Eltham, 29 de mayu de 1903[1]
Nacionalidá	Estaos Xuníos Reinu Xuníu Reinu Xuníu de Gran Bretaña ya Irlanda  12 abril 1927)
Llingua materna	inglés
Muerte	Toluca Lake (es) , 27 de xunetu de 2003[1] (100 años)
Sepultura	San Fernando Mission Cemetery (en)
Causa de la muerte	neumonía
Familia
Casáu con	Dolores Hope (1934 – m. 2003)
Fíos/es	4
Hermanos/es	Jack Hope
Estudios
Llingües falaes	inglés
Oficiu
Oficiu	comediante, cantante, escritor, guionista, actor de televisión, boxeador, llocutor radiofónicu, actor de cine, presentador de televisión, actor de teatru, actor de voz, baillarín, actor
Premios	ver Premiu Kennedy Salón de la Fama del Golf Mundial Horatio Alger Award Premios del Sindicatu d'Actores honorary doctor of the Ohio State University Premios Globu d'Oru caballeru comendador de la Orde del Imperiu británicu Premios Emmy Screen Actors Guild Life Achievement Award Medal of Liberty Library of Congress Living Legend [2] Medaya d'Oru del Congresu de los Estaos Xuníos Medaya Nacional de les Artes Premios Peabody Caballero de la Orden de San Silvestre Medaya Presidencial de la Llibertá Estrella del Paséu de la Fama de Hollywood [3] Premiu Ronald Reagan a la Llibertá Óscar honoríficu  (1941) [4] Óscar honoríficu  (1945) [4] Óscar honoríficu  (1953) [4] Trustees Award  (1959) [5] Golden Plate Award  (1960) Premio Humanitario Jean Hersholt  (4 abril 1960) [4] Óscar honoríficu  (1966) [4] Caballero Comendador con Estrella de la Orden de San Gregorio Magno  (1998) [6]
Instrumentu musical	voz
Discográfica	RCA Victor
Creencies
Relixón	catolicismu
Partíu políticu	Partíu Republicanu de los Estaos Xuníos
IMDb	nm0001362
bobhope.com

Bob Hope (29 de mayu de 1903, Eltham – 27 de xunetu de 2003, Toluca Lake ^(es) ), nacíu como Leslie Townes Hope, foi un famosu artista d'Estaos Xuníos nacíu n'Inglaterra, qu'apaeció en teatru, radio y televisión, en películes de cine, y n'actuaciones pal exércitu de los Estaos Xuníos.

Hope nació n'Eltham, Inglaterra, siendo'l quintu de siete hermanos. El so padre William Henry Hope, Inglés, yera canteru de Weston-super-Mare y la so madre Avis Townes, Galesa, yera cantante d'opereta anque tuvo que dexalo pa dedicase a llimpiar. La familia vivió en Weston-super-Mare, en Whitehall y en St. George en Bristol, enantes de treslladase a Cleveland, Ohio en 1907. Hope convirtióse en ciudadanu d'Estaos Xuníos en 1920 cuando tenía 17 años.

Antes de dedicase al mundu del espectáculu, Hope trabayó como boxeador (col nome de Packy Easte), anque nun tuvo enforma ésitu. Ye entós cuando participa en dellos concursos, asonsañando al Charles Chaplin. N'unu d'ellos ve-y el comediante Fatty Arbuckle y en 1925 da-y trabayu. Un añu dempués, Hope forma parte d'un númberu llamáu "The Dancemedians" coles Hermanes Hilton. Dempués de cinco años nel mundu del vodevil, vuelve a Nueva York y empieza a apaecer en dalgunos musicales de Broadway. Les sos actuaciones yeren bien recibíes y los críticos empezaron a destacar el so sentíu del humor.

A mediaos los años 1930, Hope vuelve a Hollywood, onde empieza con delles películes de serie B pa la Warner Brothers. En 1938, na película "The Big Broadcast of 1938", apaez cantando'l cantar que se va convertir nel so sellu, "Thanks for the Memory", siendo un ésitu de ventes y crítica.

A partir d'esi momentu, les regulares apaiciones de Hope en películes de Hollywood y na radio, fáen-y unu de los más conocíos artistes de Norteamérica.

Nel cine, ye recordáu por películes como "My Favorite Brunette" y poles películes que protagonizó xunto a Bing Crosby y Dorothy Lamour. Lamour ye l'artista femenina que más trabayó xunto a Bob Hope, anque tamién lo fixeron actrices como Lucille Ball, Jane Russell, Joan Collins o Katharine Hepburn.

Tamién actuó na televisión, onde debutó en 1932, mientres un test de tresmisión nos estudios de la CBS en Nueva York. La so carrera nesti mediu trescurrió a lo llargo de 64 años, trabayando principalmente pa la NBC.

Nunca ganó un Óscar poles sos interpretaciones, pero l'Academia de les Artes y les Ciencies Cinematográfiques dio-y dellos premios especiales y actuó como maestru de ceremonies en 18 ediciones de los Premios de l'Academia ente los años 50 y los 80.

Nel ámbitu personal, casóse dos veces. La primera foi cola so compañera de vodevil Grace Louise Troxell con quien se casó'l 25 de xineru de 1933, de la que bien llueu se divorció. Hope casóse darréu con Dolores Defina'l 19 de febreru de 1934. Dolores, cantante nun nightclub y conocida profesionalmente como Dolores Reade, a la que conoció dos meses enantes, foi la so esposa mientres 69 años, siendo'l matrimoniu más duraderu na historia de Hollywood hasta la fecha. Adoptaron cuatro fíos, toos ellos d'un orfanatu n'Evanston, Illinois.

Por cuenta de la so llonxevidá, Hope sufrió dos "muertes prematures". En 1998, un obituariu preparáu pola Asociación de la Prensa foi publicáu n'internet per error. En 2003, el so obituariu taba ente los que fueron publicaos na CNN por error.

Hope celebró'l so 100 cumpleaños el 29 de mayu de 2003. Pa celebrar esti eventu, l'encruz ente Hollywood Boulevard y Vini street en Los Angeles, California foi llamáu Bob Hope Square y el so centenariu foi declaráu'l Día de Bob Hope en 35 estaos d'Estaos Xuníos. Hope morrió dos meses dempués por causa d'una neumonía, el 27 de xunetu de 2003 na so casa del llagu Toluca, al norte de Hollywood.

Na edición de los Premiu Óscar de 2003, Tom Hanks rindió-y tributu a tola so carrera. En dicha ceremonia, Julia Roberts realizó una alcordanza especial a Katharine Hepburn, que morrió cuasi un mes primero que Hope, el día 29 de xunu de 2003.

• Wikimedia Commons tien conteníu multimedia tocante a Bob Hope.
• Bob Hope n'español
• Bob Hope na Internet Movie Database (n'inglés)