Blues
| Blues | ||
|---|---|---|
 | ||
| Oríxenes musicales | Spiritual afroamericanu, cantares de trabayu | |
| Oríxenes culturales | Música del África occidental, llevada polos esclavos al sur d'Estaos Xuníos, especialmente al Delta del ríu Mississippi | |
| Instrumentos comunes | Guitarra, voz, baxu, batería, harmónica, pianu, teclaos | |
| Popularidá | Alta a nivel internacional dempués de la Segunda guerra mundial | |
| Subxéneros | ||
| Rhythm & blues, blues llétricu, boogie woogie | ||
| Fusiones | ||
| Zydeco, blues rock, jazz blues, punk blues, country blues | ||
| [editar datos en Wikidata] | ||
El blues (murnia n'inglés) ye un xéneru musical vocal ya instrumental surdíu nos Estaos Xuníos, basáu nel usu de notes de blues (blue note) y d'un patrón repetitivu, que suel siguir una estructura de dolce compases.
Orixe y carauterístiques
[editar | editar la fonte]Orixinariu de les comunidaes afroamericanes d'Estaos Xuníos, desenvolvióse al traviés de los espirituales (spirituals), cantares d'oración, cantares de trabayu, rimas ingleses, balaes escoceses ya irlandeses narraes, y berros de campu.
L'usu de les notes del blues y la importancia de patrones de llamada y respuesta, tantu na música como nes lletres, son indicativos del heriedu africanu-occidental d'esti xéneru. Una traza carauterística del blues ye l'usu estensivu de les téuniques "espresives" de la guitarra (bend, vibrato, slide) y de l'harmónica (cross harp), que darréu influyiríen en solos d'estilos como'l rock. El blues influyó na música popular d'Estaos Xuníos y occidental polo xeneral, llegando a formar parte de xéneros musicales como'l ragtime, jazz, bluegrass, rhythm & blues, rock and roll, funk, heavy metal, hip-hop, música country y cantares pop.
La dómina na que surde'l blues puramente dichu nun ta bien definida, suel datase ente 1870 y 1900, nun periodu que coincide cola emancipación de los esclavos y la transición de la esclavitú escontra l'agricultura a pequeña escala nel sur d'Estaos Xuníos.
Cronoloxía y desarrollu
[editar | editar la fonte]El blues podría estremase cronolóxicamente y en llinies xenerales en:
- Blues de pre-guerra, con artistes de blues acústicu previos a la Primer guerra mundial
- Blues de post-guerra, con músicos que desenvuelven les sos carreres -mayormente- con posterioridá a la Segunda guerra mundial, y qu'empiecen a incorporar preseos llétricos, y finalmente:
- Blues dende los años 60 hasta los nuesos díes, que viose influyíu por un xéneru que'l mesmu blues procreó: el rock.
Dende los sos entamos conocíos, al traviés de grabaciones acústiques -téunicamente deficientes-, hasta los grandes "bluesmen" llétricos, el xéneru cuntó con importantes nomes, dalgunos verdaderes estrelles internacionales, como BB. King, John Lee Hooker, Howlin' Wolf, Freddie King, Muddy Waters, Johnny Winter o Stevie Ray Vaughan, ente munchos otros.
Referencies
[editar | editar la fonte]Enllaces esternos
[editar | editar la fonte]Wikimedia Commons acueye conteníu multimedia sobre Blues.
