Bergantín

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Bergantín}} ~~~~

Bergantín
tipo de navío (es) y rigging (en)
two-masted ship (en) y buque mercante (es)

El bergantín ye una embarcación de dos palos, el mayor y el trinquete, con moprés y veles cuadraes. Por vela mayor tien una gran cangreja y, dacuando, otra mayor redonda.

El bergantín apaeció a mediaos del sieglu XVI y emplegóse de forma xeneralizada hasta'l sieglu XIX. Caracterizose pola gran superficie de velame que yera capaz d'esplegar pal so desplazamientu, que llegaba hasta 600 t, la so rapidez, la so axilidá na maniobra y la so adecuación pal tráficu ente continentes.

Los bergantinos emplegaronse, principalmente, pal tráficu mercante, pero tamién fueron utilizaos como buques corsarios por cuenta de que la so gran velocidá dexába-yos escapar de navíos y fragates y dar algame a cualquier tresporte. Por esta razón, les armaes incorporaron a les sos flotes el bergantín faciéndo-y portar hasta una docena de pieces d'artillería en cubierta pal so usu en xeres d'esploración y llucha contra la piratería.

El bergantín-goleta ye un buque, de dos o más palos, que lleva un velame mistu ente'l del bergantín y el de la goleta. Lleva, xeneralmente, veles cuadraes nel trinquete y el restu de los palos con veles de cuchiellu. Por casu, el Juan Sebastián Elcano, de l'Armada española o El Buque escuela Esmeralda de l'Armada de Chile, son, pol so velame, un bergantín-goleta.

Otru buque deriváu del bergantín ye'l bricbarca, de trés o más palos colos dos primeros d'apareyu cuadráu y el restu de cuchiellu, disposición avezada nes corbetes.

Otru exemplu de veleru bergantín ye'l ARC Gloria, el Buque Escuela ya Insinia de l'Academia Naval de l'Armada de Colombia. Construyíu n'España en 1968, ye'l más pequeñu y antiguu de cuatro veleros hermanos: Simón Bolívar, Guayas, Cuauhtemoc y el mesmu Gloria. El Gloria ye un veleru tipu bergantín-barca, con una eslora de 67 m, manga de 10,6 m, un desplazamientu de 1300 t y una tripulación de 10 oficiales, 37 suboficiales, 70 alumnos, 3 infantes de marina y 10 civiles.

• Barcu
• Bergantín mercante Espíritu Santu (1805)
• ARC Gloria Veleru tipu Bergantín Barca (1968)

• Wikimedia Commons tien conteníu multimedia tocante a Bergantín.