Oficina Quebequesa de la Llingua Francesa

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Oficina Quebequesa de la Llingua Francesa}} ~~~~

Oficina Quebequesa de la Llingua Francesa
regulador del idioma
Llocalización
Sede	Montreal
Historia
Fundación	24 marzu 1961
Datos económicos
Emplegaos	330 (31 marzu 2023)
Web oficial

La Oficina quebequesa de la llingua francesa (Office québécois de la langue française) ye una institución pública de Quebec creada'l 24 de marzu de 1961, coles mesmes que'l Ministeriu d'Asuntos Culturales de Quebec. La Carta de la llingua francesa, adoptada pola Asamblea Nacional de Quebec en 1977 aumentó les sos responsabilidaes asignándo-y tamién l'aplicación de la política llingüística de Quebec. Creáronse tamién entós dos nueves organizaciones: el Conseyu Cimeru de la llingua francesa y la Comisión de la toponimia.

La institución llamábase enantes Oficina de la llingua francesa, pero camudó'l so nome al d'Oficina quebequesa de la llingua francesa dempués de l'adopción de la Llei 104 pola Asamblea Nacional el 12 de xunu de 2002. Esta mesma llei fai una reorganización de la Oficina fundiéndola cola Comisión pa la Proteición de la Llingua Francesa y una parte del Conseyu Cimeru de la llingua francesa. En 2004, la Oficina cuntaba con un presupuestu de 17,8 millones de dólares canadienses.

La so misión consiste en defender el llugar de la llingua francesa en Quebec, y en particular, asegurar lo establecío na Carta de la llingua francesa y ellaborar los programes de promoción previstos pola llei.

La Oficina atópase formada por 8 miembros, unu de los cualos ye'l Presidente Direutor Xeneral, nomaos pol gobiernu de Quebec por un periodu máximu de 5 años. En xineru de 2011, la Presidenta direutora xeneral yera Louise Marchand, que sustituyó a France Boucher.

• Office québécois de la langue française