Movimientu Amal

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Movimientu Amal}} ~~~~

Movimientu Amal
partíu políticu
Llocalización
Sede	Beirut
Direición	El Líbanu
Historia
Fundación	1975
Fundador	Musa Sadr (es)
Organigrama
Presidente	Musa Sadr (es) Nabih Berri
Web oficial

El Movimientu Amal ye una organización política islamista chií de calter moderáu d'El Líbanu. Foi una de les organizaciones chiíes más importantes nel tiempu la guerra civil libanesa. Naquella dómina medró enforma gracies a la so popularidá ente los 300.000 refuxaos internos chiíes d'El Líbanu meridional depués de los bombardeos d'Israel nos entamos de la década de los 80, asina como al sofitu del réxime islámicu d'Irán cola que caltenía per bones rellaciones.

El principal enfotu d'Amal yera la defensa de los porgüeyos de la población civil chii d'El Líbanu, que s'axuntaba principalmente en sur del país y aporfiaba por una favoratible y meyor distribución de la población chiita en sur de la nación mediterránea. Nos momentos nos que más brilló, la milicia algamó los 14.000 soldaos. Amal lluchó escomanadamente escontra los campos de refuxaos palestinos nel tiempu la Guerra Civil Libanesa, depués d'ello enfrentóse cola organización chiita Hezbolá que provocó la intervención del país vecín, de Siria.

En 1974, l'imán Musa al-Sadr creo'l "Movimientu de los desposeidos" que tenía como oxetivu la dixebra de los chiites n'El Líbanu. En 1975, al medrar la tensión ente les estremaes posiciones ideolóxiques y relixoses, esti movimientu organizáu crea la so milicia armada.

Musa al-Sadr refugó l'usu la fuercia pa resolver los problemes nel país; la milicia, según elli, namai que debiera lluchar nes xeres específiques de llexítima defensa, pero la so desapaición misteriosa nuna visita oficial a Libia en 1978 camudó les coses.

Husayn Husayni, presidente'l Parllamentu Libanés garró la direición del movimientu durante un tiempín bien curtiu, enantes de dexailu a Nabih Berri qu'anguaño ye entá'l cabezaleru del Movimientu Amal. En 2011, esta milicia tien un grupu parllamentariu bien curiosu en Parllamentu Libanés tando Berri de presidente del Parllamentu aínda.

• Wikimedia Commons acueye conteníu multimedia sobre Movimientu Amal.