Matthias de L'Obel

Matthias de L'Obel
Vida
Nacimientu	Lille[1], 1538[2]
Nacionalidá	Francia [3]
Muerte	Londres[4], 3 de marzu de 1616[5] (77/78 años)
Estudios
Estudios	Facultad de Medicina de Montpellier (es)
Direutor de tesis	Guillaume Rondelet
Llingües falaes	llatín neerlandés[6]
Alumnu de	Guillaume Rondelet
Oficiu	botánicu, médicu, diseñador, ilustrador, escritor
Llugares de trabayu	Amberes, Inglaterra, Delft, Londres y Amberes
Influyencies	Guillaume Rondelet
Abreviatura en botánica	Lobel (IPNI)
Creencies
Relixón	calvinismu[7]

Matthias de L'Obel (tamién Mathias de Lobel o Lobelius) foi un médicu, y botánicu flamencu ( *1538, Lille - 3 de marzu de 1616, Highgate, Gran Bretaña.

Estudió en Montpellier con Guillaume Rondelet que lu tuvo n'alta estima. Prauticó la Medicina de 1571 a 1581 n'Amberes y en Delft, onde foi médicu del príncipe Orange. En 1584, treslladóse a los Países Baxos, fuxendo de la guerra civil y dempués a Inglaterra onde permanecería hasta la so muerte. Foi superintendente del Xardín botánicu de Hackney, fundáu por Lord Zouch, y botánicu de la corona, con Xacobu I d'Inglaterra.

En collaboración con Pierre Pena, espublizó Stirpium adversaria nova en 1571, y en 1576, Plantarum seu stirpium historia, que foi traducíu al flamencu, en 1581, col títulu de Kruydboeck.

Nel so Stirpium, L'Obel describió 1.500 especies de manera precisa, indicando les llocalidaes onde eses especies foron recoyíes; yera la flora esistente pela redolada de Montpellier y describe tamién plantes de Tirol, de Suiza y d'Holanda. A esta obra acompañábenlu 268 grabaos en madera tallao.

La so segunda obra Plantarum seu stirpium historia foi más qu'una simple adautación de la primera: contenía un índiz en siete idiomes y más de 2.000 ilustraciones (la mayoría procedentes d'obres de Clusius, de R. Dodoens y Pierandrea Mattioli). De L'Obel dedicó-ylu a la reina Sabela I d'Inglaterra. Foi impresa por Christophe Plantin y tuvo un gran ésitu. Nella adica'l principiu d'una clasificación más correuta que n'autores precedentes; axuntó con precisión les rosácees, gramínees y cereales y, n'otru grupu, les lleguminoses y el xéneru oxalis, polos sos foliolos subdividíos en trés. Atribúyese-y el primer intentu de clasificar les plantes según les sos afinidaes naturales, en llugar de los sos usos médicos.

Charles Plumier dedíca-y el xéneru Lobelia (de la familia de les campanulacees).

• Plantarum seu Stirpium Historia. Cui annexum est adversariorum volume. Amberes, Plantin 1576. L'editor Plantin mercó'l stock de Stirpium Adversaria Nova espublizáu en Londres por Purfoot en 1570-1571, camuda la páxina de títulu, inclúi un índiz, l'apéndiz de Lobel, Le Formulae Remediorum de Rondelet, y ponlu a la venda siguíu de la obra de L'obel.
• Plantarum seu stirpium icones. Amberes, Christophe Plantin, 1581
• Icones stirpium, seu plantarum tam exoticarum, quam indigenarum, in gratiam rei herbariae studiosorum in duas partes digestae. Cum septem linguarum indicibus, ad diversarum nationum usum. Amberes, Ex officina Plantiana, 1591. Retirada, con nuevu títulu, de "Plantarum, seu stirpium icones. Plantin, 1581"

• Llibro Seleutos de la Coleición Botánica Conelius Hauck Matthias de L'Obel, 1538-1616 Archiváu 2007-09-27 en Wayback Machine. Cincinnati Museum Center. Consultáu'l 5 d'agostu de 2009.
• Greene, Edward Lee. Landmarks of Botanical History. Stanford: Stanford University Press, 1983. part II, páxs. 877-937

L'abreviatura Lobel emplégase pa indicar a Matthias de L'Obel como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).

• Historia de la botánica
• Botánicos y epónimos

• «Mathias de Lobel», Índiz Internacional de Nomes de les Plantes (IPNI), Real Xardín Botánicu de Kew, Herbariu de la Universidá de Harvard y Herbariu nacional Australianu (eds.), http://www.ipni.org/ipni/authorsearch?id=5688-1&query_type=by_id&output_format=object_view .

Wikispecies tien un artículu sobre Matthias de L'Obel.

• info de Matthias de L'Obel del Hauck Botanical online Archiváu 2007-09-27 en Wayback Machine
• Obres de De l'Obel digitalizadas pol SICD de les Universidaes d'Estrasburgu