María II d'Inglaterra

María II d'Inglaterra
Reina de Irlanda (es) 13 febreru 1689 - 28 avientu 1694 ← Xacobu II d'Inglaterra - Guillermu III d'Inglaterra → rei d'Escocia 13 febreru 1689 - 28 avientu 1694 ← Xacobu II d'Inglaterra - Guillermu III d'Inglaterra → monarca d'Inglaterra 13 febreru 1689 - 28 avientu 1694 ← Xacobu II d'Inglaterra - Guillermu III d'Inglaterra → reina
Vida
Nacimientu	Palaciu de St. James, 30 d'abril de 1662 (xul.)[1]
Nacionalidá	Reinu d'Inglaterra
Llingua materna	inglés
Muerte	Palaciu de Kensington, 28 d'avientu de 1694 (xul.)[2] (32 años)
Sepultura	Abadía de Westminster
Causa de la muerte	viruela
Familia
Padre	Xacobu II d'Inglaterra
Madre	Ana Hyde
Casada con	Guillermu III d'Inglaterra (1677 – )[3]
Fíos/es	child1 Stuart (en) [4] child2 Stuart (en) [4] child3 Stuart (en) [4]
Hermanos/es	Ana de Gran Bretaña[3] Henrietta FitzJames (es) Luisa María Estuardo (es) Isabel Stuart (es) James Fitz-James Stuart (es) Henry FitzJames (es) Jacobo Francisco Eduardo Estuardo (es) [5] Jacobo Estuardo, duque de Cambridge (es) Carlos Estuardo, duque de Cambridge (1660-1661) (es) Carlos Estuardo, duque de Cambridge (1677) (es) Edgardo Estuardo (es) Charles Stuart, Duke of Kendal (es)
Pueblu	Casa d'Estuardu
Estudios
Llingües falaes	inglés francés
Oficiu	aristócrata, política, reina, monarca
Creencies
Relixón	protestantismu

María II d'Inglaterra (30 d'abril de 1662 ^(xul.), Palaciu de St. James – 28 d'avientu de 1694 ^(xul.), Palaciu de Kensington) foi reina d'Inglaterra, Escocia ya Irlanda dende 1689 hasta la so muerte. Educada na relixón protestante, xubió al tronu dempués de la Revolución Gloriosa, que dio llugar a la deposición del so padre, el rei católicu Xacobu II.^[6][7] Reinó en xunto col so home y primu, Guillermu III, príncipe d'Orange, que se convirtió en gobernante en solitariu dempués de la so muerte.^[6][8] La historia popular xeneralmente refierse al reináu conxuntu como «el de Guillermu y María». Anque yera la soberana por derechu de sangre, cedía-y a Guillermu la mayor parte del poder cuando esti s'atopaba n'Inglaterra.^[9] Sicasí, dirixía'l reinu cuando'l so home taba en campañes militares nel estranxeru, demostrando ser una gobernante poderosa, firme y eficaz.^[9][10] Foi bien activa na Ilesia anglicana, que dirixó como la so Gobernadora Suprema.^[11] Anque oficialmente compartió'l poder col so home, en gran parte exerciólu sola.^[10]

• La so Alteza Lady María - 30 d'abril de 1662 – 13 de febreru de 1689.^[12]
• La so Alteza la Princesa d'Orange - 4 de payares de 1677 – 13 de febreru de 1689.
• La so Maxestá la Reina - 13 de febreru de 1689 – 28 d'avientu de 1694.

Los títulos de Guillermu III y María II cuando xubieron al tronu foron «Guillermu y María, pola Gracia de Dios, Rei y Reina d'Inglaterra, Francia ya Irlanda, Defensores de la Fe, etc». —La reclamación al tronu de Francia yera namái nominal y fuera afirmada per cada rei d'Inglaterra dende Eduardu III, independientemente de la cantidá de territoriu francés controláu en realidá—. Dende'l 11 d'abril de 1689 —cuando los Estaos d'Escocia los reconocieron como soberanos— la pareya real usó'l títulu «Guillermu y María, pola Gracia de Dios, Rei y Reina d'Inglaterra, Escocia, Francia ya Irlanda, Defensores de la Fe, etc».^[13]