Maewo

Maewo
Situación
País	Vanuatu
Provincia (es)	Penama (es)
Tipu	islla
Parte de	Islas Vanuatu (es)
Asitiáu en	Océanu Pacíficu
Coordenaes	15°08′S 168°07′E / 15.13°S 168.12°E / -15.13; 168.12
Maewo Maewo (Vanuatu)
Datos
Altitú media	795 m
Superficie	303 km²
Población	3569
Fusu horariu	UTC+11:00
Llonxitú	56 km

Maewo (o Maéwo) ye una islla de Vanuatu asitiada na provincia de Penama, 150 quilómetros al este de la islla d'Espíritu Santu.

Ta asitiada cerca de les islles de Ambae y de la d'Islla de Pentecostés. Les sos dimensiones son 47 quilómetros de llargor per seis d'anchu, con un área total de 269 quilómetros cuadraos.

El puntu más altu de la islla atópase a 795 metros sobro'l nivel del mar. En 2009, la islla cuntaba con una población de 3569 habitantes.

Maewo ye la islla de mayor tasa de lluvia de Vanuatu, superando los 2.500 mm per añu. Por cuenta de esta circunstancia, la islla ye fértil y abondosa en vexetación. La cayida de l'agua tamién fai que l'agua duce sía abondosa na islla y que se formen cascaes.

El primer avistamiento rexistráu de la islla de Maewo polos europeos foi realizáu pola espedición española de Pedro Fernández de Quirós a finales d'abril de 1606. Cartografiáronla como Aurora ("la lluz del amanecer" n'español).

Tras la independencia de Vanuatu en 1980, Maewo integróse na provincia de Penama.^[1]

Cuando Manaro Voui entró n'erupción en 2017-2018, lo qu'obligó a tolos habitantes de la vecina islla de Ambae a sacupala mientres dellos meses, Maewo foi designada oficialmente como “segundu llar” pa refuxaos.

Nun hai ciudaes en Maewo. La economía básase en gran midida na agricultura de subsistencia y la pesca ta bien desenvuelta. La islla cunta con delles clíniques médiques y un aeródromu, y más del 95% de la eletricidá produzse con enerxía solar.

Anque tolos sos habitantes declárense cristianos, delles lleendes sobrevivieron a la evanxelización.

Los ritos y costumes tradicionales, heredaos d'antiguos grupos secretos, animistas, a los que s'atribuyíen poderes máxicos, persisten na actualidá.

Maewo ye tamién una de les poques islles de Vanuatu que tien xefes sino conseyu de vieyos.

Maewo ye una islla volcánica del archipiélagu de Vanuatu, alcuéntrase asitiada al este d'Ambae y al norte de la islla de Pentecostés, de la que la dixebra el pasu de Patteson.

Apaeció fai unos 18 millones d'años, coles mesmes que la islla de Pentecostés. Tien una superficie de 304 km², 47 km de llargu y solo 5 km d'anchu en promedio, y el so puntu más altu, el monte Taweti, algama una altitú de 811 m.s.l.m.^[2]

La islla ta cubierta nun 95 % por bosques, con munchos cursos de agua. Les sos mariñes esti y sur tán formaes principalmente por cantiles, y la so mariña norte por sableres de sable negra.

• Brand, Donald D. The Pacific Basin: A History of its Geographical Explorations The American Geographical Society, New York, 1967, p.133.

• Wikimedia Commons acueye conteníu multimedia sobre Maewo.

• Maewo n'OpenStreetMap.
• https://weareexplorers.co/guide-to-maewo-vanuatu/ Explorando Maewo island, (n'inglés)]