Deshidratación

Una causa habitual de deshidratación nos adolescentes son les enfermedaes gastrointestinales, que pueden ser infeicioses o non infeicioses. Nes infeicioses pueden actuar virus, bacteries, parásitos, fungos y organismos saprófitos, que desencadenen situaciones d'altu riesgu. Dellos exemplos: bacteries como E. coli, Yersinia, Shigella, parásitos como la Giardia lamblia o la Entamoeba histolytica (amibes), fungos como Candida albicans (pueden ser mistes: combinación de fungos y parásitos) y por saprófitos que provoquen que se ruempa l'equilibriu a nivel intestinal.

Les enfermedaes non infeicioses pueden ser causaes por males téuniques alimenticies, como ye'l casu de la mala ablactación. Les metabóliques débense principalmente a problemes tiroideos, por intolerancia a la lactosa (a los azucres de la lleche); puede ser de nacencia o adquirida que se da por irritación intestinal. Ésta pue ser sustituyida por proteicos non lácteos como la lleche de soya, y por melecines como los antibióticos que, al ser mal usaos por un tiempu enllargáu, desencadenen una foria. Esto fai perder muncha agua, yá que amás suel dir acompañada de vultures. Tamién puede provocase deshidratación col escesu d'exerciciu físicu, sobremanera si nun se repon l'agua y los electrolitos que se peracaben, anque ye bien pocu habitual llegar siquier al nivel de la deshidratación moderada mientres se fai deporte o otra actividá física normal al campu.

Dellos atletes se deshidratan arremente pa perder pesu rápido antes d'una gran competición o d'un acontecimientu deportivu importante, sudando en saunes o utilizando llaxantes o diuréticos, lo qu'aumenta'l númberu y l'intensidá de les evacuaciones. Pero estes práutiques son muncho más nocives que bones. Los atletes que les utilicen siéntense más débiles, lo que repercute desfavorablemente sobre'l so rendimientu, y amás pueden provocar problemes muncho más graves, como anomalíes nos niveles de sodiu y potasiu del organismu. Estos cambeos, de la mesma, pueden causar problemes nel ritmu cardiacu.

El fechu de ponese a dieta tamién puede amenorgar considerablemente les reserves d'agua d'una persona. Nun son confiables los tratamientos médicos que faen énfasis en dietes seques como una forma rápida de perder pesu.

Los síntomes de la deshidratación pueden incluyir dolores de cabeza, similares a los esperimentaos mientres una matinada, un repentín episodiu de nieve visual, amenorgamientu de la presión sanguínea, vértigu y desvanecimiento al ponese de pies por cuenta d'una hipotensión ortostática. Si nun se da tratamientu, pueden apaecer delirios, inconsciencia y, en casos estremos, la muerte.

Los síntomes de la deshidratación son perceptibles dempués de perder un 3% del volume d'agua. Primeramente apaez la sede y el malestar, posiblemente acompañáu de perda de mambís y piel seco. Los atletes pueden sufrir una perda qu'aumenta nun 30 per cientu, apaez arrebol, piérdese resistencia, aumenta'l pulsu cardiaco, aumenta la temperatura corporal, y rápido apaez la fatiga.

• Sei intensa
• Fame
• Dolor abdominal, de columna, cefalea o nes estremidaes
• Estomagaes
• Movimientos lentos del cuerpu
• Suaño
• Mareos
• Fatiga
• Respiración pola boca

• Los síntomes de la deshidratación leve inclúin sei, amenorgamientu del volume de la orina, que vuélvese más escura de lo normal; cansanciu ensin motivu aparente, escasez de llárimes al llorar, dolor de cabeza, boca seca y vértigu al ponese de pies (hipotensión ortostática).
• Nuna deshidratación moderada puede nun producise orina. Otros síntomes d'esti estáu inclúin letargo y somnolencia, ataques; nos ñácaros repara un fundimientu de les fontaneles, desvanecimiento y güeyos fundíos.
• Los síntomes vuélvense cada vez más grave con mayor perda d'agua. La frecuencia cardiaca y la frecuencia respiratoria empiecen a aumentar pa compensar l'amenorgamientu del volume del plasma sanguineu y de la presión arterial. De la mesma, la temperatura corporal puede aumentar por cuenta de un amenorgamientu de la sudoración. Al perder alredor d'un 5 o un 6 per cientu d'agua, l'individuu amuésase dormiyosu, puede tener dolores de cabeza, estomagaes y formiguéu en dalgún miembru. Si perder d'un 10 a un 15 per cientu de l'agua corporal, los músculos vuélvense espásticos, la piel ensúgase y engúrriase, la vista vuélvese turbia, el volume d'orina amenórgase considerablemente y la micción puede resultar doliosa, y empiézase a delirar. Más d'un 15 per cientu de perda suel ser mortal. N'ocasiones l'apaición de toos estos acontecimientos puede tardar más d'un día.
• La muerte por deshidratación puede asoceder nun ralu de 3 a 5 díes.

 

Pa tratar la deshidratación, ye precisu restablecer el fayadizu equilibriu hídricu nel organismu. Pero primeru ye necesariu reconocer el problema. La sede ye'l meyor y primer indicador de deshidratación potencial. A pesar de que la sei ye un indicador de deshidratación, nun se trata d'un signu d'alarma ceo. Cuando s'esperimenta sei, ye posible que yá haya deshidratación. Otros síntomes de deshidratación son:

• Sentite amoriáu o inestabilidá , como si fora la cabeza *Tener

la boca seca o pegañosa *Mexar menos y mexar más escuru

Al tratase d'un trestornu progresivu, una persona va atopándose muncho peor a midida que la deshidratación va afectando a más sistemes corporales y a más órganos.

• Nun suspender la lleche, nin esleila, usar azucre en llugar de edulcolorantes dietéticos.
• Dar abondosos líquidos: agua fervida, caldos caseros.
• Suspender bébores gaseoses, zusmios envasados,o alimentos preparaos o calteníos fora de casa.
• Siguir cola alimentación habitual, pa prevenir la desnutrición.
• Nun se debe suspender los alimentos sólidos. Los primeros díes, ufiertar alimentos en pequeñes porciones 6 vegaes al día. Los alimentos tienen de tar bien cocíos, evitar verdures crudes.
• Si'l neñu devuelve, ufiertar líquidos en pequeñes cantidaes.

La forma más fácil d'evitar la deshidratación ye beber enforma líquidu, sobremanera nos díes calorosos, secos y/o airosos. Esto puede implicar beber ente 6 y 8 vasos (ente 1,5 y 2 llitros) diariamente pa delles persones, según cuánta agua llogren al traviés de los alimentos y cuántu suden por cuenta de la actividá física que realicen. Hai que recordar que'l beber agua nun añader caloríes a la dieta y ye definitivamente bien bonu pa la salú.

Si tiense pensáu pasar enforma tiempu al campu nun día calorosu, va ser conveniente usar ropa fayadizo pa l'actividá que se vaya a desenvolver: prendes folgoses y un gorru, si ye posible. Asina se va xenerar sensación de frescura. Si hai mareos, sensación de que se va la cabeza o enforma sei, va ser necesariu folgar mientres dellos minutos, sentase a la solombra o nun llugar frescu y beber agua.

Si va practicase dalgún deporte o a participar nuna actividá física agotadora, va ser necesariu hidratarse bien bebiendo daqué de líquidu antes d'empecipiar l'actividá. Tamién, beber a intervalos regulares (cada 20 minutos, aproximao) mientres l'actividá y al rematala. El meyor momentu pa entrenar o faer deporte ye a primer hora de la mañana o a postrera de la tarde pa evitar les hores más caloroses del día.

Si hai una infeición estomacal o intestinal intensa, probablemente va perdese el mambís y les ganes de consumir líquidos. Va Ser necesariu, entós, dar pequeños suerbos de líquidu frecuentemente. Delles persones toleren meyor zucar cubitos de xelu.

El fechu de nun consumir bébores que contengan cafeína, como'l café, el té y los refrescos de cola, puede ayudar a evitar la deshidratación. La cafeína ye diurética (esto ye, aumenta la producción d'orina).

• Calambre
• Golpe de calor
• Sales de rehidratación oral

•   Wikcionariu tien definiciones y otra información tocante a deshidratación.
• Deshidratación MedlinePlus