Córdoba (España)

Córdoba^[3] ye una ciudá d'Andalucía, España, capital de la provincia homónima, allugada nun afondamientu a orielles del ríu Guadalquivir y al pie de Sierra Morena. El so cascu históricu declaróse Patrimoniu de la Humanidá pola UNESCO en 1984. Ye candidata a Capital Europea de la Cultura pal añu 2016. Anguaño tien una población de 323 763 hab. (2023)^[4][5] y ocupa una estensión de 1.252 km².

Córdoba
Alministración
País	España
Autonomía	Andalucía
Provincia	provincia de Córdoba
Tipu d'entidá	conceyu d'España[1]
Alcalde de Córdoba	José María Bellido (Partido Popular)
Nome oficial	Córdoba (es)[2]
Nome llocal	Córdoba (es)
Nomatu	La Ciudad Califal (es) Córdoba la Llana (es)
Códigu postal	14000–14999
Xeografía
Coordenaes	37°53′N 4°47′W / 37.89°N 4.78°O / 37.89; -4.78
Córdoba Córdoba (España)
Superficie	1253 km²
Altitú	120 m
Llenda con	La Victoria, La Carlota, La Rambla, Guadalcázar, Almodóvar del Río, Villaviciosa de Córdoba, Obejo, Adamuz, Villafranca de Córdoba, El Carpio, Bujalance, Cañete de las Torres, Castro del Río, Espejo, Montemayor y Fernán Núñez
Demografía
Población	323 763 hab. (2023) - 156 355 homes (2019) - 169 346 muyeres (2019)
Porcentaxe	0% de provincia de Córdoba
Densidá	258,39 hab/km²
Más información
Estaya horaria	UTC+01:00 UTC+02:00
Llocalidaes hermaniaes	Belén, Nürnberg, Adana, Bukhará, Xerez de la Frontera, La Habana Vieja (es) , São Paulo, Damascu, Curitiba, Manchester, Bourg-en-Bresse, Saint-Denis, La Louvière (es) , Nîmes, Fez (es) , Smara, Santiago de Compostela, Lahore, Kairuán, Córdoba y Córdoba
cordoba.es

Córdoba foi'l llugar de nacencia de tres grandes filósofos: l'estoicu romanu Séneca, el musulmán Averroes y el xudío Maimónides. Tamién nacieron en Córdoba el precursor de l'aeronáutica Abás Ibn Firnas, los poetes Lucano, Juan de Mena y Luis de Góngora.

Foi capital de la provincia romana Provincia Hispania Ulterior Baetica (Bética), dómina de rellumu, na que aportó a cuntar con tantes edificaciones lúdiques como la mesma Roma, y nella xorrecieron importantes personaxes como'l filósofu Luciu Anneu Séneca, oradores como Marcu Anneu Séneca y poetes como Lucano. Postreramente foi llugar importantes na provincia de Spania del Imperiu Bizantín y durante'l periodu visigóticu. Algamó la capitalidá de nuevu nel Emiratu Independiente y el Califatu Omeya d'occidente, dómina na qu'algamó'l so mayor apoxéu, aportando a tener ente 250.000 y 500.000 habitantes, siendo nel sieglu X una de les ciudaes más grandes del mundu, asina como un gran centru cultural, políticu ya económicu. D'esta dómina ye ún de los sos monumentos más afamaos: la Mezquita de Córdoba (anguaño Catedral).

• 
  Semeya de la Mezquita
• 
  Callexa de les Flores
• 
  Plaza de la corredera