Selachimorpha

«Tiburón» reendreza enta iste articlo. Pa veyer l'auto de Citroën que popularment s'ha clamau «Tiburón», se veiga Citroën DS.

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Selachimorpha
Tiburón gris
Clasificación scientifica
Dominio: Eukaryota Reino: Animalia Filo: Chordata Clase: Chondrichthyes Superorden: Selachimorpha

Os Selachimorpha u Pleurotremata son un superorden d'a clase Chondrichthyes (peixes cartilachinosos), conoixitos como "tiburons".^[1] Son os Elasmobranquios que conservan a morfolochía hidrodinamica, ye dicir, fusiforme. As aberturas branquials, que son 5 a 7 pars se situan lateralment y as aletas peitorals no son guaire ixamplatas porque a traza de nadar d'os pleurotrematos ye con ondulacions d'o cuerpo y coda. A coda ye heterocerca. A boca ye ventral. Bellas especies son superpredadors en o medio marín con gran mida, belatras son especies chicotas. Son unas 280 especies y 80 cheneros agrupatos en 20 familias y 7 órdens.

Ye un rasgo caracteristico a presencia de radios branquials ceratohial y hiomandibular que presentan una hemibranquia hioidea con función endocrina.

Tamién ye caracteristico y diferent d'as mantas u rayas ye que l'elemento basal mes anterior de l'aleta peitoral, dito propterichio, no s'une a lo cranio. Tampoco son unitas dorsalment as dos cinturas escapulars.