Ultimo tango a Parigi

Ultimo tango a Parigi
Títol	Ultimo tango a Parigi
Póster d'a cinta.
Ficha tecnica
Dirección	Bernardo Bertolucci
Aduyant de dirección	Fernand Moszkowicz
Producción	Alberto Grimaldi
Disenyo de producción	Philippe Turlure
Guión adaptau	Bernardo Bertolucci Franco Arcalli
Basau en	una historia de Bernardo Bertolucci
Musica	Gato Barbieri
Soniu	Luciano Anzellotti Massimo Anzellotti Michael Billingsley Antoine Bonfanti
Fotografía	Vittorio Storaro
Montache	Franco Arcalli Roberto Perpignani
Escenografía	Philippe Turlure
Vestuario	Gitt Magrini
Maquillache	Maud Begon Phil Rhodes
Peluquería	Iole Cecchini
Actors	Marlon Brando Maria Schneider Jean-Pierre Léaud Maria Michi Massimo Girotti Giovanna Galletti Catherine Allégret
Color	Technicolor
Datos y cifras
País(es)	Italia Francia
Anyo	1972
Debantadera	14 d'octubre de 1972 Festival de Cine de Nueva York (Nueva York, Nueva York, Estaus Unius)[1] 13 d'aviento de 1972 Milán (Lombardía, Italia)[1] 15 d'aviento de 1972 Francia[1]
Chenero(s)	Cine de drama Cine erotico
Durada	129 min.
Idioma(s)	Anglés Francés
Companyías
Productora(s)	Produzioni Europee Associati Les Productions Artistes Associés
Distribución	United Artists
Presupuesto	1 millón de dólars
Recauto	96 millons de dólars
Informacions en bases de datos especializadas:

Ultimo tango a Parigi (títol orichinal en italiano, en aragonés Zaguer tango en París, enguerada en Aragón con o suyo títol traduciu enta lo castellano como El último tango en París) ye una cinta de cine de drama erotico coproducida por o cine francés y lo cine italiano enguerada l'anyo 1972, dirichida por Bernardo Bertolucci seguntes un guión adaptau por él mesmo y por Franco Arcalli (basau en una historia d'o mesmo Bernardo Bertolucci), con una dirección de fotografía de Vittorio Storaro, una banda sonora orichinal de Gato Barbieri y una producción cinematografica d'Alberto Grimaldi ta las productoras Produzioni Europee Associati y Les Productions Artistes Associés. De l'elenco d'actors d'a cinta en fan parte, en os suyos papels principals, Marlon Brando, Maria Schneider, Jean-Pierre Léaud, Maria Michi, Massimo Girotti, Giovanna Galletti y Catherine Allégret.

Paul ye un estausunidense de meyana edat que termina de quedar víduo en haber muerto su muller, Rosa, y que ye propietario d'un hotel en París. Casualment coincide con Jeanne , una choven parisina, cuan toz dos visitan lo mesmo piso ta logar-lo, y bien luego prencipian una relación basada nomás que en o sexo y de caracter anonimo, en no conoixer cosa l'uno de l'atro. Bel día, cuan ella no deseya tener sexo, él la viola pero ella no se veye capable de rematar a relación. Continan bel tiempo con a relación, dica que Paul la remata unilateralment. Tanimientres, cuan se troban casualment una atra vegada en a carrera, Paul li proposa tornar en a relación, y li explica la suya vida, incluyindo-ie la muerte d'a suya muller. Tanimientres, en haber perdiu a sensación d'anonimato, Jeanne no tiene intrés en reanudar a relación, a tamas d'a insistencia de Paul.

A cinta s'ambienta en a suya epoca actual (1972) en a ciudat de París, y las suyas escenas se filmoron en cuantas localizacions en ixa mesma capital francesa.^[2]

Ultimo tango a Parigi ye una cinta que ha recibiu cuantos premios y nominacions, podendo-se destacar una nominación a los Premios Oscar en a suya 46^ena edición a lo Millor Actor, una atra nominación a lo Millor Director, una atra nominación a los Premios BAFTA en a suya 26^ena edición a lo Millor Actor y un Premio David de Donatello Especial ta Romy Schneider, compartiu con a suya interpretación en Cari genitori (1973, Enrico Maria Salerno).

• Cine en 1972.
• Cintas de 1972.