Telecadiera

Una telecadiera^[1] u telesiella^[1] ye una remontadera que ye formada por una serie de cadieras u siellas penchadas d'un cordón tractor que circula a velocitat fixa y que se refirma en diversas pilonas.

L'altaria d'o cordón respective a lo nivel d'a nieu ye como minimo a necesaria ta que un esquiador pueda pasar por debaixo d'as cadieras sin de tocar con a capeza os esquís d'a chent que ye posada en a cadiera (y que en cheneral levan os esquís puestos). Nomás en plegando ta las estacions de prencipio y final de trachecto, o cordón s'amana mas a la tierra, de manera que os circos glaciars d'as cadieras quedan a l'altaria d'os chenullos d'os esquiadors, que asinas podran puyar-ie y baixar-ne con facilidat.

Ta evitar que, una vegada que s'han posau, os esquiadors caigan d'a cadiera, ista dispone a sobén d'un elemento de seguridat que lo impide (antigament una cadena que cadagún heba de ligar a los laterals, actualment una barra que se baixa y que a sobén leva incorporau un refirme ta os piez). O numero de posibles ocupants por cadiera ye d'entre un y ueito, estando-ne as mas frecuents hue en día de 4 y 6 personas. Ta mirar de suavizar l'impacto de l'orache, a vegadas s'instala en as cadieras una mena de carcasa transparent que se puet baixar voluntariament (igual que as protección de seguridat) que tapa o cuerpo d'os ocupants (pero no os piez, que continan estando a la intemperie). En son as ditas telecadieras cabinadas.

• Se veigan as imáchens de Commons sobre telecadiera.

1. ↑ ^{1,0 1,1} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.