Sufixo -ulo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo –ulo ye l'adaptación en aragonés y atras luengas neolatinas de dos sufixos latinos atonos con forma -ULUS, -ULA, ULUM en cultismos.

L'aun sufixo latín con forma -ULUS, -ULA, ULUM estió un d'os principals diminutivos, encara que bi habió una tendencia a ser substituto por o sufixo -ELLU.^[1] En as tres zagueras declinacions presentaba un infixo -C- deseparando-lo d'o lexema.

L'atro sufixo latín con forma -ULUS, -ULA, ULUM serviba pa obtener sustantivos indicadors d'obchectos, instrumentos y achents a partir de verbos y se sustantivaba como -ULUS, ULI en masculín, como -ULA, -ULAE en feminín, y tamién como -ULUM, ULI.^[1]

As formas con infixo -c-, pronunciau /K/ son abundants y en ocasions plegoron a substituyir a la palabra orichinal sin sufixo, como amuestran os derivaus romances:

• APICULA: "abella".
• BATACULUM: "batallo".
• CUNICULUM: "conillo".
• NAVICULA: diminivo de "nau".
• OVICULA: "ovella".
• TURRICULA: diminutivo de "torre", orichen de torrella/torrilla.
• VALLICULUM: diminutivo de "val", posible orichen de varello/valello.

Como en latín vulgar o sufixo –ULU yera sendo substituyiu por –ELLU, o infixo –C- tamién quedó debant de –ELLUS, dando formas como NAVICELLA (ya en latín imperial), TORRICELLA (que da por vía patrimonial Torreciella), MONTICELLO y VALLICELLO.

Manimenos en latín tamién bi heba un antigo sufixo -CULUM, -CULI, diferent d'o diminutivo -ULUS con infixo -C- y que teneba una función antiga de fer sustantivos derivaus de verbos pa indicar puestos, obchectos y instrumentos: ye o caso de VEHICULUM, TABERNACULUM, HIBERNACULUM, ORACULUM, SPECTACULUM, OBSTACULUM, OPERCULUM y atros, que presentarán un comportamiento fonetico pareixiu en cultismos y semicultismos.^[1]

O sufixo -ulus yera atono y a u podeba desapareixer entre consonants. Dezaga de radicals en -m, -n u -r se podeba producir una asimilación a la l d'o sufixo:.^[1]

• LIBERULUS > LIBERLUS > LIBELLUS ("livel").
• CORONULA > CORONLA > COROLLA.

González Ollé considera que este ye l'orichen d'o sufixo diminutivo latín -ELLUS (l'orichen de l'aragonés -iello).

• Bascula.
• Calculo.
• Celula, orichinariament un diminutivo de CELLA, CELLAE ("cela").
• Coagulo < COAGULUM, derivau de COGERE ("cullir").
• Fecula.
• Formula, diminutivo de FORMA, FORMAE.
• Glandula, orichinariament un diminutivo de GLANS, GLANDIS ("glan").
• Loculo.
• Nodulo.
• Pelicula, diminutivo de PELLIS, "piel".
• Peninsula.
• Virgula.

• Articlo < ARTICULUM, diminutivo d'ARTUS ("articulación de uesos", "miembro").^[1]
• Cerclo < CIRCULUM, diminutivo de CIRCUS.^[1]
• Crepusclo < CREPUSCULUM, diminutivo de CREPER, "escuro".
• Disciplo/Diciplo < DISCIPULUM, derivau de DISCAPIERE ("comprender").
• Espectaclo < SPECTACULUM sustantivo derivau de SPECTARE ("observar", "catar").
• Mayuscla < MAYUSCULA.
• Particla < PARTICULA, diminutivo de PARS, PARTIS.^[1]
• Perpendiclo < PERPENDICULUM.
• Receptaclo < RECEPTACULUM.
• Vinclo < VINCULUM, derivau de VINCIRE ("ligar").
• Vehiclo < VEHICULUM, sustantivo deverbativo de VEHERE, "levar o carro".^[1]

• Miraglo < MIRACULUM.

• Escruplo < SCUPULUM, diminutivo de SCRUPUS, SCRUPI ("zaborro").

• Capítol < CAPITULUM, diminutivo de CAPUT, CAPITIS.
• Espígol/Espícol < ESPICULUM.
• Títol < TITULUM.

• Almendra < almendola < AMIDDULA < AMYGDALA.
• Bárbol < BARBULUM.
• Grandoletas < GLANDULA + diminutivo -eta.
• Ísola (en microtoponimia) < ISSULA/INSULA.
• Niérvol < NERVULUM.
• Triemol/Triamol/Trémol < TREMULUM.

• Anglo/angle ("racón") < ANGULUM.
• Cinglo < CINGULUM, derivau de CINGERE.
• Tinglar.
• Ungla < UNGULA.

A U curta d'o sufixo latín –ULU ye atona y desapareixe, quedando en contacto a consonant de debant con una –l- orichinando uns grupos romances –K’L-, -G’L- y T’L- que evolucionan enta a palatal –ll- en as primeras etapas de l'iberorromanz, quedando asinas en catalán, aragonés, gallego-portugués y asturleyonés occidental. D'esta traza s'han orichinau os sufixos –allo, -ello y -ollo.

• Abella < APICULA
• Agulla < ACUCULA
• Batallo < BATACULUM
• Clavilla < CLAVICULA
• Dalla < DACULA
• Espiello < SPICULUM < SPECULUM derivau de SPECERE ("observar").
• Gralla < GRACULA
• Mallata < MACULATA
• Orella < AURICULA
• Ovella < OVICULA

• Callo < COAGULUM, y callar, derivaus de COGERE ("cullir").
• Rella < REGULA derivau de REGERE ("guiar", "fixar").
• Tella < TEGULA derivau de TEGERE ("cubrir").
• Trallo < TRAGULU.

• Ruello < ROTULUS, diminutivo de ROTA, ROTAE ("rueda").
• Viello < VETULUS.

• Manullo < MANIPULUM.

• Espalda < ESPATHULA.
• Rolde < ROTULU, diminutivo de ROTA, ROTAE ("rueda").

• Ascla, ixascla.
• Ixasclar.
• Rasclo, rascliar.
• Riscla.
• Masclo.
• Musclo.

• Bárbols < BARBULU.
• Erla < ERULA.
• Espuéndolas > SPONDULA.
• Fanlo > FANŬLUM^[2].
• Huertolo < HORTULUS.
• Mamblas < MAMULA.
• Pedrola < PETRULA.
• Peniscola < PENE ISCULA < PENE INSULA ("cuasi isla").
• Piétrola < PETRULA.
• Puértolas < PORTULAE.
• Riglos < *RIGULU < RIVULU.
• Torla < TORULA.
• Torrellas, Torrillas < TURRICULA.
• Vierlas < VERULAS.

• (an) Academia de l'Aragonés Propuesta ortografica de l'Academia de l'Aragonés. EDACAR, 7. Zaragoza, 2010.
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002. ISBN 8424923391, 9788424923396
• (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010
• (es) José Antonio Saura Rami: En torno a la sufijación apreciativa en el Valle de Benasque. Archivo de Filología Aragonesa, 52-53, 149-178. 1996-1997.
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.