Serra d'el Chordal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esta pachina ye escrita en ribagorzano.

Serra d'el Chordal Serra del Jordal
La serra dende Sarrat (Vall de Lierp)
Cheografía
Cordelera	Sierras interiors pirenencas
Sector
'
Maxima altaria	1553 m, tuzal d'el Chordal.
Cimas importants	Tuzal d'el Chordal, tuzal de Santa Cruz
Largaria
Amplaria
Superficie
Vértiz cheodesico
Subsistemas	{{{subsistemas}}}
Administración
Estau	Espanya
País	Aragón
Comarca	Ribagorza
Cheolochía
Edat
Materials	Calsinera mesozoica sobre salagons cenozoicos.
Tipo	{{{tipo}}}
Mapa

La serra d'el Chordal (nome local en aragonés ribagorzano; en aragonés stándard y en castellano Sierra de Chordal, en catalán Serra del Jordal) é una serra interior d'el Prepireneu d'orientación paralela a la ralla axial, situada a la comarca de Ribagorza, a la provincia de Uesca, a'l sud d'el macizo de Turbón y a'l norte de la serra d'Esdolomada.

La serra va dende la vall d'el río Esera pe'l extremo occidental enta la vall d'el río Isabana per l'oriental, y delimita a'l norte la vall de Bardaixín y el barranco d'Esplluga (versant occidental norte) y la vall de Lierp (versant oriental norte).

Se prollarga cap a'l norte enta el Turbón con un brazo que desepara a'l costau oriental l'Obago y Eixea, que son de la vall de Lierp, y a'l costau occidental Esplluga, d'aon que las aiguas van ta l'Esera. Po el sud tamén tende a zarrar-se con el sistema de la serra d'Esdolomada, deixand d'el costau oriental la vall de Merlli y de l'occidental la vall de Vacamorta.

La serra d'el Chordal é feita de materials cretacians y salagons d'el sistema d'Arén, en chunto con materials teciarios. Fa parte d'un mesmo pllegamiento que va dende Penya Montanyesa dica aquí, por lo que é una serra chermana con la serra Ferrera de la vecina comarca de Sobrarbe y el mont de Naspún, la suya contra por la part de la cllusa sobre l'Esera entre Campo y Navarri.

• Sierra Ferrera.
• Turbón.
• Sierra de Sant Visorio.

• Se veigan as imáchens de Commons sobre a serra d'el Chordal.