La Còla
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| La Còla La Colle | |
| Barrio de Mónegue | |
 La Còla | |
| Entidat • Estato • País |
Barrio Mónegue Occitania
|
| Superficie • Total |
0.188073 km² |
| Población • Total |
2.829 hab. |
| ISO 3166-2 | MC-CL |
| Numero | 07 |
 La Còla en Mónegue | |
La Còla (en francés La Colle, en francés antigo L'Acaulle) ye un d'os once barrios, situato en a parti ueste d'o prencipau de Mónegue.
O barrio ye situato en l'antiga comuna de La Condamina, fendo tradicionalment parti d'o barrio de Moneghetti. A suya superficie ye de 175.811 m² y se divide en quince bloques administrativos.
O suyo numero ye o 07, seguntes l'administración monegasca.
Demografía
[editar | modificar o codigo]Iste barrio ye o segundo mas chicot de Mónegue en termins de población (Ciudat de Mónegue ye o menor), y ye o tercero mas chicot en superficie. La Còla tien una población de 2.829 habitants y una superficie de 0.11 km².[1] .
Mónegue tien diez escuelas publicas, cuatre escuelas privatas, y una universidat. Una d'as escuelas privatas y una d'as publicas se troban localizatas en iste barrio[2]
Localización
[editar | modificar o codigo]La Còla se troba en a parti norueste d'o país, chusto a o norte de Fòntvièlha.[3] La Còla se considera por un regular parti de Moneghetti, encara que administrativament ye independient. Muga con as localidaz francesas de Bèusoleu y Caup d'Alh, igual que os barrios munegascos de Las Reveras, Fòntvièlha y Moneghetti.[3]
Turismo
[editar | modificar o codigo]La Còla ye mas que mas una aria industrial, encara que bi ha cuantos chicoz hotels astí, que aduyan a cubrir l'alta requesta de plazas hoteleras de Mónegue.[3]
Caracteristicas
[editar | modificar o codigo]La Còla ye, dimpués de Fòntvièlha, una d'as arias mas industrials de Mónegue.[4] Por eixemplo, astí bi ha una fabrica respetuosa con o meyo ambient d'a empresa Venturi Automobiles y a suya subsidiaria Voxan.[5] A suya localización en o prencipau fa que sía un puesto sobrebueno ta o trafico de mercaderías ya que se troba en un d'os cabos d'a ciudat y, por ixo, l'actividat industrial no afecta a o important sector d'o turismo en Mónegue.[4]
Manimenos, encara que La Còla ye una zona mas que mas industrial, tamién bi ha viviendas, prencipalment en a a muga con o barrio de Las Reveras.[6] Debito a la localización de La Còla, mas luent d'o centro d'a ciudat, os pres d'os inmuebles son por un regular mas baixos.[7] Os pres son entre un 13% y un 18% mas baixos que en os barrios de Fòntvièlha u La Condamina.[8]
Se i troba o Hespital Princesa Grace, o solo hespital de Mónegue.[9]
Referencias
[editar | modificar o codigo]- ↑ (fr) Censo 2008
- ↑ (en) Escuelas en Mónegue
- ↑ 3,0 3,1 3,2 (en) Cheografía de Mónegue
- ↑ 4,0 4,1 (en) Walks through Monaco
- ↑ (fr) Venturi aujourd'hui
- ↑ (fr)(en) Gubierno de Mónegue
- ↑ (en) Barrios de Mónegue
- ↑ (en) www.montecarlo-realestate.com
- ↑ (fr) Hespital Princesa Grace
| |||
| Montcarles | La Rossa e Sant Roman | Larvotto e Molins Bas | La Condamina | Mónegue | Fòntvielha | La Còla | Las Reveras | Moneghetti | Sant Miquel | Lo Pòrt |
| Control d'autoridaz |
|
|---|
Datos: Q55102