Foya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una foya^[1][2] u fueva^[3] ye una depresión u una concavidat de lo terreno. Se puet formar por l'acción erosiva de l'augua u por una fuesa tectonica.

La parola foya deriva d'o latín FOVEA y presentó en l'aragonés de la Val de l'Ebro la variant fueya con diftongación debant de Yod. Manimenos a día de huei no queda que la variant foya

• FOVEA > FOVIA > foya > fueya.

Una variant provinient probablement por metatesi ye fueva, que se fa servir encara en aragonés chistabín:

• FOVEA > FOEVA > Fueva.

Esta zaguera variant perdura como macrotoponimo en Sobrarbe (A Fueba). La variant foya se troba muito en a toponimia en cuasi tot Aragón, incluyius puestos de lo Sistema Iberico a on desapareixió l'aragonés fa sieglos (Foya de la Carrasca). Antiparte, tamién se troba muito en la toponimia catalana occidental de lo Reino de Valencia y las tierras de l'Ebro.