Blesa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Blesa
Municipio d'Aragón
Entidat  • País  • Provincia  • Comarca	Municipio  Aragón  Teruel Cuencas Meneras
Partiu chudicial	Calamocha
Superficie	80,4 km²
Población  • Total	78 hab. (2013)
Altaria  • Meyana	711 m.
Distancia  • 115 km	enta Teruel
Alcalde	María Ángeles Cólera Herranz
Codigo postal	44790
Patrons	Sant Chaime y Santa Ana
Parroquial  • Diocesi  • Arcipestrau  • Parroquia	Teruel y Albarracín Mont Albán Santa Cruz
Ríos	Aguas
Coordenadas	41° 3’ 4’’N 0°53’ 10’’U
Blesa Blesa en Aragón

Blesa ye un municipio de la provincia de Teruel, situato en la comarca de las Cuencas Meneras. La suya población yera de 122 habitants (2006) en una superficie de 80,4 km².

Chunto a lo río Aguas, ye chusto en lo cabo de la Depresión d'Ebro y l'encomenzamiento de lo Sistema Iberico. En lo lugar bi ha un plego anticlinal con materials churasicos y nuclio de chesos de lo Triasico Superior (Keuper) con chacintos de Compostela (fa part de la sierra de San Jorge). Dezaga lo plego, a lo sud ye una cuenca sedimentaria terciaria.

Lo suyo termin municipal muga con Muniesa, con Plou, con Uesa, con Mont-fort, con Plenas, con Moyuela y con Moneva.

En 1489 perteneixeba a la sobrecullida de Mont Albán, pero en lo fogache de 1495 figura como una localidat de la sobrecullida de Daroca.^[1]

Blesa ye un toponimo d'etimolochía desconoixita, pero que s'ha quiesto relacionar con lo Bleto (puesto con Bletos). Lo parexito con la planta Blesa/Belesa puede estar un caso d'homonimia. Blesa ye un apellito present en Sant Per de Calanda, y se pareix a bel antroponimo romano documentato tipo Belsa, que tamién ye un apellito, n'este caso documentato en Foz Espalda y Mosqueruela.

En Blesa bi ha microtoponimos como Abellar, Balsete d'el Abellar, Collado de la Fuesa, Cuesta Roya, Hoyica Esgarrata, Varcallén (de "Val Calient"), Lagunas, Navallo, Plano, Plana de Jaime, Royos,^[2] con la fonetica aragonesa tipica de l'aragonés de la Val de l'Ebro. Manimenos tamién hi ha toponimos que han perdiu la f- inicial por castellanización: Arreñales, Herreñal del Palomar, El Hocino.

En Blesa como en toda la comarca se charra un castellano con substrato aragonés (parla baturra). En la toponimia blesina mos trobamos uno de los pocos casos de participios en -ato, -ito conservaus en Teruel: hoyica Esgarrata, por la embotata de la familia propietaria. Atra parola intresant que se i conserva ye garafullo.

• Museu d'a fustería y forga.
• Ilesia d'a Santa Cruz.

• 17 de chinero, Sant Antón.
• 15 de mayo, Sant Isidro Labrador.
• 25 y 26 de chulio, fiestas mayors (Sant Chaime y Santa Ana).

• http://www.blesa.info/
• http://rutas.blesa.info