Blade Runner
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Blade Runner (títol orichinal en anglés, enguerada en Aragón con o suyo títol orichinal) ye una cinta de cine estausunidense de cine de ciencia-ficción de l'anyo 1982, dirichita por Ridley Scott seguntes un guión de Hampton Fancher, David Peoples y Roland Kibbee (basato en a novela Do Androids Dream of Electric Sheep?, de Philip K. Dick de 1968), con una dirección de fotografía de Jordan Cronenweth y una banda sonora de Vangelis.[2] Producita por Michael Deeley, Charles Lauzirika, Hampton Fancher, Brian Kelly, Jerry Perenchio, Ivor Powell, Run Run Shaw y Bud Yorkin ta The Ladd Company, en o suyo reparto incluye a destacatos actors como Harrison Ford, Rutger Hauer, Sean Young, u Edward James Olmos.
A cinta s'estrenó o 25 de chunio de 1982 en Estaus Unius, convertindo-se en una d'as cintas de culto de cuantas cheneracions.[3] Iste film de ciencia-ficción suposó a consagración d'o suyo director, Ridley Scott, y ha estau influencia y un referent ta creyadors de cine, televisión, novelas y chuegos.[3] Blade Runner ha estau fuertement aclamada, mas que mas t'abanzar en o planteyamiento de cuestions que s'han convertiu en fundamentals en iste sieglo XXI, como a globalización, o cambeo climatico u a superpoblación.[3]
Reparto
[editar | modificar o codigo]- Harrison Ford, en o papel de Rick Deckard.
- Rutger Hauer, en o papel de Roy Batty.
- Sean Young, en o papel de Rachael.
- Edward James Olmos, en o papel de Gaff.
- Daryl Hannah, en o papel de Pris.
- Morgan Paull, en o papel de Holden.
- Brion James, en o papel de Leon Kowalski.
- M. Emmet Walsh, en o papel de Capitán Bryant.
- Joe Turkel, en o papel de Dr. Eldon Tyrell.
- James Hong, en o papel de Hannibal Chew.
- William Sanderson, en o papel de J. F. Sebastian.
- Joanna Cassidy, en o papel de Zhora.
Temas d'os que se i charra
[editar | modificar o codigo]Luengas que desafían l'anglés
[editar | modificar o codigo]En Blade Runner se planteya o desafío d'a hechemonía de l'anglés en a ciudat de Los Angeles (California) en l'anyo 2019; en a cinta, i hai residents que charran un mezclallo de luengas europeas y de l'Asia Oriental; actualment, no s'ha plegau a una situación pareixida, encara que s'ha duplicau a cantidat de fablants d'o castellano en ista ciudat entre 1980 y 2010. Os visionarios pronostican que bel día o chinés mandarín será a luenga habitual t'os negocios a ran global.[3]
Autos voladors
[editar | modificar o codigo]En a cinta de Ridley Scott son celebres as imáchens d'autos voladors, como o que fa servir o protagonista, Rick Deckard, a qui interpreta l'actor Harrison Ford.[3]
Reconoixencia de l'iris
[editar | modificar o codigo]Os autos voladors son encara una fantasía, pero no l'escaneyo de l'iris, que en Blade Runner s'emplega t'a reconoixencia d'os ditos "replicants". Hue o sistema de reconoixencia de l'iris s'emplega en aeropuertos y puntos de control de mugas.[3]
Intelichencia artificial
[editar | modificar o codigo]En relación con os abances en intelichencia artificial, os "replicants" de Blade Runner pareixen sers humans sinteticos, y no robots, pero no tienen un comportamiento emocional normal; no s'han creyau encara maquinas que combinen o comportamiento d'as personas, o luengache y a mecanica d'o cuerpo humano.[3]
A colonización d'atras planetas
[editar | modificar o codigo]Blade Runner imachinó un mundo en que a mayoría d'os sers humans heba fuyiu a colonias difuera d'a Tierra, mas placientes ta vivir, colonias que yeran chestionadas por empresas privadas.[3]
A moralidat d'os robots
[editar | modificar o codigo]A cinta planteya tamién una cuestión moral, constando en a ciencia-ficción: as consecuencias de creyar vida intelichent a semellanza d'os sers humans. "A cuestión que planteya a cinta ye si hemos d'atribuyir l'estatus de personas a las maquinas". Blade Runner fa servir a metafora d'a tecnolochía ta explicar porqué a sociedat decide que bels grupos de personas son acceptables y d'atros no.[3]
Se veiga tamién
[editar | modificar o codigo]Referencias
[editar | modificar o codigo]- ↑ (en) Enguero de Blade Runner en Internet Movie Database.
- ↑ (de) Steven Jay Schneider:101 Science Fiction Filme: Die Sie sehen sollten, bevor das Leben vorbei ist, Edition Olms, 2012, ISBN 9783283011697, p.237
- ↑ 3,0 3,1 3,2 3,3 3,4 3,5 3,6 3,7 3,8 (an) As prediccions de Blade Runner, trenta anyos dimpués, en Arredol.
Vinclos externos
[editar | modificar o codigo]Se veigan as imáchens de Commons sobre Blade Runner.
- (en) Pachina web oficial de Blade Runner.
- (en) Blade Runner en IMDb.
- (en) Blade Runner en AllRovi.
- (en) Blade Runner en Turner Classic Movies.
- (en) Blade Runner en Rotten Tomatoes.
- (en) Blade Runner en Metacritic.
- (en) Blade Runner en Box Office Mojo.
| Control d'autoridaz |
|
|---|
Datos: Q184843
- Cintas por títol
- Cintas de 1982
- Cintas con banda sonora orichinal de Vangelis
- Cintas con dirección de fotografía de Jordan Cronenweth
- Cintas con guión de David Peoples
- Cintas con guión de Hampton Fancher
- Cintas con guión de Roland Kibbee
- Cintas con montache de Les Healey
- Cintas con montache de Marsha Nakashima
- Cintas con montache de Terry Rawlings
- Cintas d'Estaus Unius
- Cintas de cine de ciencia-ficción
- Cintas dirichidas por Ridley Scott
- Cintas en anglés
- Cintas interpretadas por Edward James Olmos
- Cintas interpretadas por Harrison Ford
- Cintas interpretadas por Rutger Hauer
- Cintas interpretadas por Sean Young
- Cintas producidas por Brian Kelly
- Cintas producidas por Bud Yorkin
- Cintas producidas por Charles Lauzirika
- Cintas producidas por Hampton Fancher
- Cintas producidas por Ivor Powell
- Cintas producidas por Jerry Perenchio
- Cintas producidas por Michael Deeley
- Cintas producidas por Run Run Shaw