Bear Island (cinta)

Iste articlo ye sobre una cinta anglo-canadiense de cine d'intriga de 1979; ta atros usos, se veiga Bear Island.

Bear Island
Títol	Bear Island
Póster d'a cinta.
Ficha tecnica
Dirección	Don Sharp
Dirección artistica	Peter Childs Kenneth Ryan
Producción	Peter Snell William Hill
Disenyo de producción	Harry Pottle
Guión adaptau	Don Sharp David Butler Murray Smith
Basau en	Bear Island, novela d'Alistair MacLean (1971)
Musica	Robert Farnon
Fotografía	Alan Hume
Montache	Tony Lower
Escenografía	Kimberley Richardson
Maquillache	Phyllis Newman Wally Schneiderman
Peluquería	Leila Seppänen
Efectos especials	David Harris Lee Routly John Thomas Roy Whybrow
Casting	Stuart Aikins
Actors	Donald Sutherland Vanessa Redgrave Richard Widmark Christopher Lee Lloyd Bridges Bruce Greenwood Barbara Parkins Patricia Collins Mark Jones August Schellenberg Candace O'Connor Michael Collins Michael J. Reynolds Lawrence Dane
Color	Panavision
Datos y cifras
País(es)	Reino Uniu Canadá
Anyo	1979
Debantadera	1 de noviembre de 1979 Estaus Unius[1] 26 d'aviento de 1979 Reino Uniu[1] 6 de chunio de 1980 Canadá[1]
Chenero(s)	Cine d'intriga
Durada	118 min.
Idioma(s)	Anglés Alemán
Companyías
Productora(s)	Selkirk Films Canadian Film Development Corporation Bear Island Films
Distribución	United Artists Columbia Pictures Columbia-EMI-Warner Distributors
Estudio(s)	Pinewood Studios
Presupuesto	12.100.000 dólars canadienses
Informacions en bases de datos especializadas:

Bear Island (títol orichinal en anglés, en aragonés Isla de l'Onso, enguerada en Aragón con o títol en castellano d'Operación Isla del Oso, en aragonés Operación Isla de l'Onso) ye una cinta de cine d'intriga de l'anyo 1979 coproducida por o cine britanico y lo cine canadiense, dirichida por Don Sharp seguntes un guión adaptau por Don Sharp, David Butler y Murray Smith (basau en o "bestseller" Bear Island, una novela publicada por Alistair MacLean en l'anyo 1971). Conta con una banda sonora orichinal de Robert Farnon, una dirección de fotografía d'Alan Hume y una producción cinematografica de Peter Snell y William Hill ta las productoras Selkirk Films, Canadian Film Development Corporation y Bear Island Films. De l'elenco d'a cinta fan parte, entre d'atros actors, Donald Sutherland, Vanessa Redgrave, Richard Widmark, Christopher Lee, Lloyd Bridges, Bruce Greenwood, Barbara Parkins, Patricia Collins, Mark Jones, August Schellenberg, Candace O'Connor, Michael Collins, Michael J. Reynolds y Lawrence Dane.

Una expedición organizada por as Nacions Unidas viacha enta una remota isla clamada Isla de l'Onso ta fer-ie investigacions sobre lo cambio climatico. Ye formada por cientificos de cuantas nacionalidaz, estando dirichda por dos alemans, Gerran y Hartman, y en fan parte Lindquist, un psiquiatra noruego, o polaco Lechinski, o biologo estausunidense Frank Lansing, Smithy y Rubin. Cuan plegan en o suyo destín, l'estausunidense descubre que han rechistrau o suyo equipache, y las suyas sospeitas augmentan cuan conoixen en plegar-ie que Larsen, un atro cietifico que ya i yera en a isla, ha muerto. O suyo alochamiento ye una antiga base de submarinos d'a Kriegsmarine d'o Tercer Reich mientres a Segunda Guerra Mundial que posteriorment s'heba convertiu en una base militar d'a Organización d'o Tractau de l'Atlantico Norte. Encara que Gerran prohine que se i dentre en o sector de l'antiga base alemana, bien luego ye evident que Lansing ye muit intresau en ixa base, en haber estau su pai un comandant de submarinos alemán que amás heba muerto en ixa isla en circunstancias desconoixidas. Encara que Rubin muere en un lurte provocau, Lansing consigue dentrar en l'antiga base alemana, a on troba o que resta d'o suyo pai, muerto en o suyo submarino. Bien luego Lindquist troba un mensache que heba dixau Larsen y que deciba que atros dos alemans que ya yeran en a isla son neonazis baixo lo mando de bel atro mimbro d'a expedición. Tamién se descubre que bellas caixas que aparentment conteniban explosivos en realidat lo que i yera dentro ye oro.

A cinta s'ambienta en l'oceano Glacial Arctico en o momento actual d'a cinta (1979) y las suyas escenas se filmoron en Alaska en os Estaus Unius, en localidaz d'a Columbia Britanica en Canadá (incluyindo-ie Vancouver) y en os Pinewood Studios en Buckinghamshire en o Reino Uniu.^[2]

• Cine en 1979.
• Cintas de 1979.