Andador

Un andador ye, por un regular, una plataforma elevada de cimento, fornigón u, a vegadas, de fusta, que permite o fácil acceso a un medio de transporte como puet estar un tren, metro, tramvía, etc. Por dencima d'os andadors, ye por a on a chent circula, deseparando-les d'a vía.

Una consideración important, mas que mas pa garantizar l'accesibilidat de personas con movilidat reducida, ye a diferencia en altaria u distancia entre l'andador y o suelo d'o vagón d'o tren, ye decir o vuedo entre os dos. Por eixemplo, en Espanya, en o caso d'os trens de redolada d'as series 446 y 447, a diferencia d'altaria entre l'andador y o suelo d'os trens puet estar entre 390 a 600 mm.^[1]

Muitas garas de metro, como por eixemplo, as d'a linia 1 d'o metro de Sevilla, tienen ya instaladas puertas u pantallas de seguridat,^[2] en os suyos andadors, y que son sincronizadas con as puertas d'o tren pa privar asinas a cayida de personas entre l'andador y o vagón d'o tren, entre atros factors.

• Andador central
• Andador lateral
• Mind the gap