Corz (Navarra)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o municipio navarro. Ta atros emplegos de Corz se veiga Corz (desambigación).

Corz Cortes
Municipio de Navarra
Plaza Mayor
Entidat  • Estau  • Comunidat  • Comarca	Municipio  Espanya  Navarra Ribera Navarra
Superficie	36,6 km²
Población  • Total	3149 hab. (2013)
Altaria  • Meyana	254 m.
Distancia  • 118 km	enta Pamplona
Codigo postal	31530
Coordenadas	41°55′22″N 1°25′19″U
Corz Corz en Navarra
Web oficial

Corz (Cortes en Castellano) ye un municipio de Navarra situato a 118 km de Pamplona. A suya población ye de 3362 habitants (2006), en una superficie de 36,6 km² y una densidat de población de 91,86 hab/km².

O suyo termin municipal muga con Bunyuel a lo norte, con Noviellas (Aragón) a l'este, a l'ueste con Ribaforada y Ablitas, y a lo sud con Mallén (Aragón).

Lo Cerro de la Cruz ye un poblato de los Campos d'Urnas que s'ha feito famoso entre toz los historiadors de la Edat Antiga, pus ye d'una epoca de transición dende la Edat de Bronce ta la Primera Edat de lo Fierro.

A principios de 1119 la reconquerió Alifonso I d'Aragón, que la donó a Rotrou d'Alperche.

Corz perteneixió a la diocesi de Zaragoza.^[1]

Ye tentador identificar a localidat de Crots de la Bula d'Hadrián IV (22 de chunio de 1158) con "Corz" por lo pareixito fonetico y porque nombran localidaz aragonesas muito a man.

En los textos medievals ye Cortes pus no se gosaba escribir los plurals en aragonés. Por eixemplo en "Rationes decimarum Hispaniae (1279-80): Aragón y Navarra" figura como Cortes. Bi ha presencias esporadicas de la forma con plural aragonés Corts u Corz en bels textos, pero pueden referir-se a atros Corz.

En un texto de 1145 de l'Archivo de lo Pilar mencionan a un Guillem de Corz chunto con navarros y occitans:

La forma con plural aragonés tamién amaneix en un texto d'impuestos de 1453 d'o reino d'Aragón: se menciona a un morisco dito Alí Corts cuan charran d'os impuestos relativos a compras y vendas en Auguaviva:

• Lista de municipios de Navarra