Torta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O termín coca reendreza ta ista pachina. Pa o fruito se veiga nuez (fruito); pa atros usos, se veiga Coca (desambigación).

Torta
Torta ribagorzana de frutos secos
Atras denominacions
Coca
Orichen cheografico
Cocina:	Gastronomía aragonesa
Orichen:	Aragón Catalunya
Se mincha en:	Aragón, Catalunya
Elaboración
Ingredients:	Farina, augua, levadura, uevo, aceite, zucre

A torta u coca ye un producto de repostería y masadería tipico d'Aragón, emparentau con os bizcochos, que presenta diferents formas en as diferents comarcas.

Per un regular, a presentación ye como un pan tovo de dimensions diversas (de 30 dica 60 cm), plano, que se cuece mas u menos en seguntes qué preparación. A caracteristica comuna de todas as tortas ye en a masada que s'emplega ta fer-las, que sole levar farina, augua, levadura, uevo y una porción d'aceite. A proporción d'o uevo meso en a masada ye la prencipal cosa que destingue las tortas ditas "de uevo", que son tan consumidas en Sobrarbe.

Bellas preparacions precisan d'espardir un poquet d'a zucre en alto d'a masada d'enantes no se meta ta'l forno de masar, ta fer que caramelice en chunto con a crosta. Dempués, en quitar-la d'el forno, tamién pende a on que s'elabore, se n'esparde un poquet mas ta dar-le l'apariencia nevada que las fa de millor gana.

En a Ribagorza, per contra, no se solen fer tan cluixients, fendo-se forniar menos tiempos, y se sole estimar mas de deixar a masada mas tova con presentación familiar d'un bizcocho. En esta zona, amás, s'afechan rayaduras d'a piel d'o limón como forma probablement mas recient, u d'a forma tradicional, con avellanas, almendras u nuez picadas en dintro.