Castellano murciano
Lo dialecto murcián ye un dialecto de lo castellán que se charra en la Rechión de Murzia y en parte de las provincias d'Albacet, Alicant, Chaén, Granada e Almería. Ye un castellán con las caracteristicas de lo castellán de lo sud, pero con muitismas palabras catalanas e aragonesas.
En la Rechión de Murcia no se charra murcián en los dos lugars de lo Carche on se charra catalán y en lo territorio que bi ha a lo sud de las sierras d'Espuña, Carrascoi e Columbares.
Parlas de comarca
Bi n'ha güeito varians:
- Parla de l'exe central de la Ribera de la Segura.
- Parla de la Costa.
- Parla de l'Altiplán.
- Parla de l'antigo Marquesato de Villena (País Balenzián).
- Parla de la Ribera Baxa.
- Parla de lo norueste de Murcia.
- Parla de la Val de Guadalentín.
- Parla de lo sud d'Albacet.
Las parlas de la Güerta murciana se dizen Panocho.
Caracteristicas lexicas e gramaticals
Como eixemplo de sostrato aragonés e catalán se'n puet dizir:
- En lexico: a bonico, acaloro, alatón, bardomera, besón, bofo, bolinche, calentor, capaza, caráiter, caricas, chamada, dica y diquia, encerrizarse, esfilusar, falsa, fresquilla, guisque, merendola, mojete, pinatar, pinacho, pirindola, polsaguera, rafe, raspear (en arag. rasmiar), riso, robín, toña, zarangollo, e muitas més.
- L'articlo determinato desaparixe en bels emplegos (ir a escuela).
- En bellas zonas de la Ribera Baxa bi ha seseyo por influyencia catalana (eixemplo: sanguango).
- Lo emplego d'o diminutibo -ico no ye de lo sustrato aragonés, encara que bels autors lo han considerato asinas [1] por no saper aragonés u por no esferenziar entre aragonés e castellán d'Aragón. En realidat ye propio de lo castellán meyebal oriental (se troba en os romanzes meyebals castellans), e por ixo se cheneralizó en Navarra, Aragón, comarcas churras e Murcia con la castellanización.
Referencias
- ↑ Diego Catalán, Alvaro Galmés de Fuentes Las lenguas circunvecinas del castellano: cuestiones de dialectología hispano-románica. Thompson-Paraninfo