Castellano murciano

Plantilla:Variedat dialectal

Lo dialecto murcián ye un dialecto de lo castellán que se charra en la Rechión de Murcia y en part de las provincias d'Albacet, Alicant, Chaén, Granada y Almería. Ye un castellán con las caracteristicas de lo castellán de lo sud, pero con muitismas palabras catalanas y aragonesas.

En la Rechión de Murcia no se charra murcián en los dos lugars de lo Carche on se charra catalán y en lo territorio que bi ha a lo sud de las sierras d'Espuña, Carrascoi y Columbares.

Bi n'ha ueito varians:

• Parla de l'eixe central de la Ribera de la Segura.
• Parla de la Costa.
• Parla de l'Altiplán.
• Parla de l'antigo Marquesato de Villena (País Valencián).
• Parla de la Ribera Baixa.
• Parla de lo norueste de Murcia.
• Parla de la Val de Guadalentín.
• Parla de lo sud d'Albacet.

Las parlas de la huerta murciana se dicen Panocho.

Como eixemplo de substrato aragonés y catalán se'n puet dicir:

• En lexico: a bonico, acaloro, alatón, bardomera, besón, bofo, bolinche, calentor, capaza, caráiter, caricas, chamada, dica y diquia, encerrizarse, esfilusar, falsa, fresquilla, guisque, merendola, mojete, pinatar, pinacho, pirindola, polsaguera, rafe, raspear (en arag. rasmiar), riso, robín, tonya, tormo/tolmo^[1], zarangollo, y muitas més.

• L'articlo determinato desapareixe en bells emplegos (ir a escuela).

• En bellas zonas de la Ribera Baixa bi ha seseyo por influencia catalana (eixemplo: sanguango).

• Lo emplego d'o diminutivo -ico no ye de lo sustrato aragonés, encara que bells autors lo han considerato asinas^[2] por no saper aragonés u por no esferenciar entre aragonés y castellán d'Aragón. En realidat ye propio de lo castellán meyeval oriental (se troba en os romances meyevals castellans y tenemos o toponimo Pueblica de Valverde en la provincia de Zamora), y por ixo se cheneralizó en Navarra, Aragón, comarcas churras y Murcia con la castellanización.

• Wiki en murcián