Zitgnoss
E Zitgnoss isch e Person, wo zur gliiche Zit wie en anderi Person läbt oder in dr Vergangehäit gläbt het. Mä brucht dä Begriff bsundrigs hüfig für Persönligkäite us de verschiidene künstlerische und kulturelle Beriich. Wemm mä sich nid usdrücklig uf e Person in dr Vergangehäit beziet, bezäichnet s Adjektiv zitgnössisch öbbis us dr Geegewart, wie zitgnössische Danz, zitgnössischi Muusig usw. und wird mänggisch au as Sünonüüm vo «modärn» brucht.
Dr Usdruck isch im 16. Joorhundert entstande, isch aber erst vom 18. Joorhundert aa glöifig und wird – under em Iifluss vom griechische sýnchronos ‚gliichzitig, vo gliicher Zit und Duur’ – as Übersetzig vom spootlatiinische Substantiv synchronus aagluegt.[1]
Fuessnoote
[ändere | Quälltäxt bearbeite]- ↑ Vgl. Etymologisches Wörterbuch des Deutschen, Wolfgang Pfeifer. 7. Aufl., dtv, Münche 2004.