Wilhelm

Wilhelm isch e männlige Vorname und isch bsundrigs im Norde vo Dütschland verbreitet. Im Dütsche het dr Name vili lokali und abkürzti Forme: Wellem in de rhiinische Dialäkt, Wilko und Wim z Norddütschland, uf Platt Wilm, Willem, Willken; Willi, Welm und anderi as Abchürzige.

Die meiste europäische Sproche kenne e Variante vo däm Name: William (abkürzt Bill, Will usw.) uf Änglisch, Wim und Willem uf Holländisch, Guilherme uf Portugiisisch, Guglielmo uf Italiänisch, Guilielmus uf Latiinisch, Guillaume uf Französisch, Guillén uf Aragonesisch, Guillermo uf Spanisch, Liam uf Irisch, Ville uf Finnisch, Vilhjalmur uf Isländisch, Vilmos uf Ungarisch, in mehrere slawische Sproche Vilim, uf Tschechisch Vilém, uf Slowakisch Viliam und uf Russisch Wilgelm.

Dr Name chunnt us em Althochdütsche und lot sich vo willio (Wille, Entschlosseheit) und helm (Helm, Schutz) härleite. Dr erst Wilhelm, wo bekannt worden isch, isch dr Heilig Wilhelm vo Aquitanien (745–812) gsi. Dr Name isch vor allem in Nordwesteuropa verbreitet gsi und dorum het s vili Wilhelm in de Familie vo de Oranier und de Hohezollere.

Dä Artikel basiert uff ere fräie Übersetzig vum Artikel „Wilhelm“ vu de dütsche Wikipedia. E Liste vu de Autore un Versione isch do z finde.