Waldschlössle

S Waldschlössle, au Waldschlössle-Brauerei odder Brauerei-Waldschlössle, isch è Gaschthuus im Chaletschtyl mit èrè Brauerei im Styl vom Hischtorismus z Waldshuèt gsi.

Laag

S Waldschlössle isch wèg dè Uussicht uff dè Rhy z vorderscht vornè uff èm Ochsèbuckel gschtandè. Dè Ochsèbuckel isch dè weschtlichschte Spitz vom Plateau, wo öppè 40 m übber m Rhy lyt, un au dè Waldshuèter Innè- un Altschtadt, im Waldshuèter Baanhof un in zwǜschè dè Altschtadt un èm Ochsèbuckel au im Vyymärktblatz ebeni Flächi zum Bau botè hèt. S Waldschlössle isch wèg dè exponyrtè Laag vo Säckingè hèr odder au übber dè Hochrhy èwäg vom Fuller Fäld hèr guèt zum Sää gsi, hèt also è ortsbildbrägends Gebäude für Waldshuèt dargschtellt.

Gschichte

Dè Brauereibsitzer Reinhart Härle hèt uff èm Waldshuèter Ochsèbuckel d Waldschlössle-Brauerei bedribbè. Vo sinè 13 Gschwǜschter sin drei vo sinè Brüèder ebbèfalls als selbschtändigi Brauer un Mälzer dätig gsi. Sin Bruèder Clemens Härle hèt diè no hüt eksischtyrendi Brauerei Clemens Härle gründèt.

Um 1899 hèt dè Härle Reinhart dè Architègt Jacques Gros mit dè Blaanung für è Gaschthuus nõch èm Vorbild vom Grand Hotel Dolder beuffdrait. Im Johr 1903 isch s Waldschlössle ygweit worrè. S isch èn belièbtè Ort übber m nördlichè, rächtè Ufer vom Hochrhy gsi. Um 1920 isch es i dè Bsitz vo dè Stadt Waldshuèt cho, wo dört voschideni Schuèlè un letschtlich denn d Waldschlössle Realschuèl ygrichtet hèt. Zämmè mit dè no räschtlichè Brauereibautè isch am Èndi vo dè 1970er Johr für 1,2 Millionè DM a dè Landchrais Waldshuèt vokauft worrè.

Abriss

Nõch vill Diskussionè un Bürgerbrotescht, wo sich durch è Unterschriftèaktion un è Demonschtration manifeschtyrt hèt, hèt sich dè Abriss vom Chraisdagsbeschluss anno 1978 bis in Hèrbscht 1980 usèzögerèt. Wègè Grücht, d Gegner vom Abriss würdèt è Huusbsetzung vom Waldschlössle blaanè, isch dè Abriss uff dè 18. Oktobèr 1980 terminyrt un durrègfüürt worrè. Im Morgègrauè vo sellèm Dag isch denn s Waldschlössle handstrychartig übber dè Huufè gschobè worrè. Dōdemit hèt s Blatz für s neue Landròtsamt Waldshuèt uff èm Ochsèbuckel obbè gää.^[1] Dè Entwurf zum Neubau, wo am 3. Mai 1984 ygweit worrè isch, stammt vom Waldshuèter Architègt Otto Thoß.^[2]

Einzelnõchwys

↑ Landratsamt; Eine schwere Geburt Artikel uf suedkurier.de (Archiv)
↑ Websitè vo dè Brauerei Härle mit Aasicht vom Waldschlössle

47.622688.2048Koordinate: 47° 37′ 21,6″ N, 8° 12′ 17,3″ O

Dä Artikel basiert uff ere fräie Übersetzig vum Artikel „Waldschloss_(Waldshut)“ vu de dütsche Wikipedia. E Liste vu de Autore un Versione isch do z finde.

[1] Landratsamt; Eine schwere Geburt Artikel uf suedkurier.de (Archiv)

[2] Websitè vo dè Brauerei Härle mit Aasicht vom Waldschlössle

[1]

[2]