Dootesunntig

Dr Dootesunntag (lithurgisch Ewigkeitssonntag/Totensonntag) isch in dr evangelische Chilche z Dytschland un in dr Schwyz e Gedänkdag fir di Verstorbene. Är isch dr letscht Sunntig vor em erschte Adväntssunntig un dodermit dr letscht Sunntig vum Chilchejohr. Är lyt zwisch em 20. un em 26. Novämber.

Syt dr Entwicklig vum Chilchejohr im Mittelalter sin mit dr letschte Sunntig vum Chilchejohr liturgischi Lääsige zue dr „Letschte Ding“ verbunde. Derwylscht am drittletschte Sunntig s Thema „Dood“ im Mittelpunkt stoht, het dr vorletschte Sunntig d Thematik „Jingschts Griicht“ un dr letscht „s Eebig Lääbe“.

Dradizionäll thematisiert dr letscht Sunntig im Chilchejohr in bsunderer Wyys d Erwartig vum Jingschte Daag. Doderzue ghert as Sunntigsevangelium s „Glychnis vo de zäh Meitschi“ (Matthäus 25). S bildet d Grundlag fir s Wuchelied, dr Choral vum Philipp Nicolai Wachet auf, ruft uns die Stimme (EG 147) un d Bachkantate mit glychem Name (BWV 140).

Dr Chenig Friedrich Wilhelm III. vu Preuße het dur Kabinettsorder vum 24. April un Verornig vum 25. Novämber 1816^[1] fir di evangelisch Chilche in dr preußische Biet dr Sunntig vor em 1. Advänt zum „allgemeinen Kirchenfest zur Erinnerung an die Verstorbenen“ bstimmt. Di andere evangelische Landeschilche hän die Bstimmig derno ibernuu.

Dr Dootesunntig isch in allne dytsche Bundesländer bsundersch gschitzt. Ußer z Hamburg isch er in allne Länder e „Druur- un Gedänkdaag“, e „stille Daag“ oder e „stille Fyyrtig“, doderzue ghere zem Byschpel Verbot vu Musikuffierige in Gaschthyyser oder Danzverbot in Diskotheke.

In dr maischte Chilchegmainde wäre am Dootesunntig di Verstorbene vum vergangene Chilchejohr vorglääse. In vile Gmaine wäre di Aagherige zue Gottesdienscht uf dr Chilchehef yyglade. Verbraitet isch au dr Bruuch, d Greeber mit Gsteck oder Blueme z schmicke.

In dr remisch-katholische Chilche wird dää Sunntig syt dr Liturgireform vum Zwaite Vatikanische Konzil as Chrischtchenigssunntig begange, im altkatholische Kaländer wird er „Sonntag vom wiederkommenden Herrn“ gnännt. S Fescht betont d Chenigsherrschaft Christi in Eebigkait un wyst dodermit Parallele zum Ewigkaitssunntig uf. Au änglischsprochigi lutherischi Chilche, wu noch em Revised Common Lectionary gehn, fyyre dr Chrischtchenigssunntig. S Dootegedänke findet in dr katholische Dradizion an Allerseele statt.

• Karl-Heinrich Bieritz: Das Kirchenjahr. Feste, Gedenk- und Feiertage in Geschichte und Gegenwart. 7. aktualisierte Auflage. Beck, München 2005, ISBN 3-406-47585-X (Beck’sche Reihe 447).

 Commons: Totensonntag – Sammlig vo Multimediadateie

1. ↑ RGG, 3. Aufl.; Band VI Spalte 957

Kirchejohr oder Liturgisches Johr Wienachtsfestkreis:       Advent |        Wienachte |        Beschneidung des Herrn |        Epiphanias |        Taufe des Herrn Osterfestkreis: Fastezyt:        Äschermittwoch |        Fastesünntig |        Karwuche |              Palmsunntig Triduum Sacrum:        Grüendonnstig / Hoche Donnstig |                    Karfrytig |              Karsamstig |        Osternacht Osterzyt:        Ostere |        Osteroktav |        Wysse Sunntig |        Sünntig noch Ostere |        Christi Himmelfahrt |        Pfingste Im Johreskreis:       Sünntig im Johreskreis / noch Epiphanias  |        Liechtmäss |        Trinitatis |        Sünntig im Johreskreis / noch Trinitatis  |        Fronlychnam / Herrgottsdag |        Heiligstes Herz Jesu |        Verklärung des Herrn |        Heiligchrüztag |        Erntedankfest |        Reformationsfest |        Allerheilige |              Allerseele |        Buß- und Bettag |              Ewigkeitssunntig |        Christkönigsfest |              Apostelfeste |        Johannis |        Mariefeste |        Michaelis |              Witeri Fest Di farbige Chäschtli markiered di bevorzugti liturgisch Farb för s entsprächend Fäscht.

Dä Artikel basiert uff ere fräie Übersetzig vu dere Version vum Artikel „Ewigkeitssonntag“ vu de dütsche Wikipedia. E Liste vu de Autore un Versione isch do z finde.