Kshatriya

Kshatriya (Sanskrit क्षत्रिय, m., kṣatriya, Chrieger) isch im indische Kastesüsteem d Bezäichnig für d Mitgliider vom zwäite Stand (Varna), wo ursprünglig hauptsächlig us Chrieger, Fürste und Köönig (Raja) bestande het.

Es isch iiri Ufgoob, d Gmäinschaft z beschütze und dorum si Daatchraft und Unternäämigsgäist (Rajas) wichdigi Äigeschafte. Dr ächti Kshatriya sött bekämpfe, was nid woor isch, und baraat si, s grächte Süsteem, Gsetz und Rächt, d Woolfaart und dr Woolstand vom Land z verdäidige, wie au die moralischi Grundornig und -orientierig vom Volk. Do drzue ghöört, ass er de Schwache und deene wo in Not si, wurd hälfe.

Hüte si d Kshatriyas nüme so wichdig wie in früenere Gsellschafte. In iirem ursprünglige Metiee, dr Politik, si hüt e Hufe Inträssegrubbe aktiv, und die politischi Heerschaft häi si scho in dr Zit vo de islamische Riich in Nordindie verloore. Im milidäärische Beriich häi sich bsundrigs au d Sikhs chönne etabliere.

Dä Artikel basiert uff ere fräie Übersetzig vum Artikel „Kshatriya“ vu de dütsche Wikipedia. E Liste vu de Autore un Versione isch do z finde.