Kummaberg
| Kummenberg | ||
|---|---|---|
 Luftfoto vom Inselberg vo Nordoschta | ||
| Hechi | 667 m ü. A. | |
| Lag | Kobla, Vorarlberg, Öschtriich | |
| Geografischi Lag | 47° 20′ 10″ N, 9° 37′ 1″ O | |
| ||
| Typ | Inselberg | |
| Dialäkt: Vorarlbärgisch |
Da Kummaberg, viilmol o uafach Kumma, hochdütsch Kummenberg, isch an 667 Meter hoher Inselberg mitta im öschtriichischa Rhital z Vorarlberg. Dr Berg lit komplett ufm Gmoandsgebiat vo dar Gmoand Kobla, vo dera lit dr alt Dorfkern am Fuaß vo deam Berg. Er gilt o als Grenzberg zwüschad Oberem und Unterem Vorarlberger Rhital.
Berühmt wora isch da Kumma, wo ma döt archäologisch Funde gmacht hot, wo ma bis i d Mittlstuaziet zruck datira ka. Dia Funde sind dia älteschta Azoacha vo menschlicher Besidlig im hütiga Vorarlberg. Dozmol isch da Bodasee, an Süaßwassersee mit viil Fisch, bis ge Rankl ganga und da Kumma so würkle an Insel odr zmiandscht an Ufergebiat gsi.[1]
Wo ma mit da Rhireguliirig agfanga hot, hot ma am Weschthang vom Kummaberg an Stuabruch aglet, vo deam hot ma mit da Bahn von dar Internationala Rhireguliirig Bruchmatrial zu da Bauschtella gschaffat.
Bim Bau vo da Rhital/Walgau Autobahn (A14) hot ma da klä klennere Neababerg vom Kumma, da Udlberg, i zwoa Töal gsprengt zum mittadurch dia Autobahn witerbaua, ohne daß ma an türa Tunnl brucht. Der gspaltene Berg isch hüt an markanta Weagpunkt vo dera Autobahnstreck.
Dia vier Gmoanda Getzis, Alta, Kobla und Mäder, wo rund umma Kumma ligend, bildend zemma dia übrgmoandliche Arbatsgmoanschaft „amKumma“.[2]
Weblink
[ändere | Quälltäxt bearbeite]
Commons: Kummenberg – Sammlig vo Multimediadateie- Iidrag über Kummenberg in: Austria-Forum, em öschteriichische Wissensnetz – online (uf AEIOU)
Fuassnoota
[ändere | Quälltäxt bearbeite]- ↑ Skelettreste 9.500 Jahre alt (Memento vom 6. Juli 2011 im Internet Archive). An Artikl vom ORF Vorarlberg vom 18. März 2006.
- ↑ amKumma. Götzis, Altach, Koblach, Mäder - Netz-Uuftritt