Judith Chemla

D’ Judith Chemla (* 5. Jüüli 1985 z’ Gentilly, Département Val-de-Marne) ìsch a frànzeescha Schàuischpìelera. Sa ìsch Mìtglìed ìn dr Comédie-Française gsìì.

D’ Judith Chemla-n-ìsch z’ Gentilly bii Pàriis uffgwàcksa. Ìhr Vàtter, a jìddischer Tüneesier, ìsch Gaiger gsìì. Ìhra Müatter ìsch Ànwàltin gsìì. Wu d’ Chemla noch jung gsìì-n-ìsch, hann sìch d’ Äältra loo schaida. Ìm Àlter vu sìewa Joohra hàt sa ààgfànga, Gaiga z’ larna —dàs hàt sa äbb sìewa Joohra làng gmàcht. Àm Gymnààsium ìsch sa uff Theàterunterrìchta gànga,^[1] un kurz vor dr Àbitüür hàt sa d’ Schüal àbgbroocha, fìr Theàter schpìela. Sa hàt àui Schàuischpìelunterrìchta vum Bruno Wacrenier àm Konsärwàtoorium ìm 5. Arrondissement bikumma. Bis 2007 hàt sa àm Conservatoire national supérieur d’art dramatique bii Muriel Mayette gschtudiart un hàt noch a Üüssbìldung ìm lyrischa Gsàng àm Konsärwàtoorium vun Aubervilliers bii Pàriis bikumma.

Vu Dezamber 2007 bis 2009 ìsch d’ Chemla Mìtglìed ìn dr Comédie-Française gsìì, wu sa unteràndrem ìn Schtìckla vum Molière un vum Pierre Corneille gschpìelt hàt. Sitter 2011 ìsch sa uff a reegelmaassiga-n-Àrt ìn Schtìckla-n-àm Pàriiser Theàter Bouffes du Nord z’ sah. Sitter 2007 schpìelt sa àui ìn Farnsah- un Kiinofilma. Fìr ìhra Rolla ìm Film Camille – Verliebt nochmal! vu dr Noémie Lvovsky ìsch sa ànna 2013 fìr dr César ìn Kàtegorii „Bäschta Naawadàrschtällera“ nominiart worra un hàt a Prix Lumières àls Bäschta Nàchwuchsdàrschtällera gwunna. Àb 2016 hàt sa d’ Hàuiptrolla ìn’ra Müüssiktheàter-Iiszäniarung vu Verdis Traviata àm Theàter Bouffes du Nord gschpìelt. S’ Schtìckla hàt dr Corentin Leconte ànna 2018 verfìlmt.

Ànna 2010 hàt d’ Judith Chemla-n-a Kìnd mìt’m Schàuischpìeler James Thierrée ghàà. Ànna 2017 hàt sa ìhr zwait Kìnd uff d’ Walt gbrocht.^[2]

Ìm Jüüli 2022 hàt sa uff Instagram a Foto vun ìhrem verlätzta Gsìcht veräffentligt. Sa ìsch ìm Jüüli 2021 vun ìhrem Ex-Gfährt Yohan Manca uff da Internàzionààla Filmfaschtschpìeler vu Cannes ìwwerfàlla worra gsìì. Wagadam ìsch dr Manca-n-ìm Mai 2022 veurtailt worra.^[3] Àm 6. Jüüli 2022 hàt d’ Chemla ìn’ra Unterhàltung mìt dr Léa Salamé uff France Inter ìhr Ärlaabniss ärzählt.^[4]

• 2007: Hellphone
• 2007: Faut que ça danse!
• 2008: Versailles
• 2008: Le petit chaperon rouge (Kurzfilm)
• 2008: Musée haut, musée bas
• 2009: La fenêtre (Kurzfilm)
• 2009: Serie in Schwarz (Suite noire) (Farnsahseria, aina Folga)
• 2010: Die Prinzessin von Montpensier (La princesse de Montpensier)
• 2010: Sur la tête de Bertha Boxcar (Kurzfilm)
• 2010: Bezaubernde Lügen (De vrais mensonges)
• 2010: Je suis un no man’s land
• 2011: Les pseudonymes (Kurzfilm)
• 2012: Fuir (Kurzfilm)
• 2012: Camille – Verliebt nochmal! (Camille redouble)
• 2012: Engrenages (Farnsahseria, 12 Folga)
• 2012: Spieglein an der Wand (Miroir mon amour) (àm Farnsah)
• 2013: 15 jours ailleurs (àm Farnsah)
• 2013: Le Bœuf clandestin (àm Farnsah)
• 2014: Urlaub vom Führerschein (Tout est permis) (àm Farnsah)
• 2014: L’homme qu’on aimait trop
• 2014: Atlit
• 2016: Ein Leben (Une Vie)
• 2017: Das Leben ist ein Fest (Le sens de la fête)
• 2018: Traviata - Vous méritez un avenir meilleur (Traviata – Ihr verdient eine bessere Zukunft)
• 2018: Maya
• 2019: Der flüssige Spiegel (Vif-Argent)
• 2021: Mes frères, et moi

• Elisabeth Franck-Dumas: Judith Chemla: une fille bien barrée. In: Libération. 17. Juni 2013 (französisch, liberation.fr [abgerufen am 6. Juli 2022]). 

 Commons: Judith Chemla – Sammlig vo Multimediadateie

• Judith Chemla in dr Internet Movie Database
• Judith Chemla bii AllMovie
• Judith Chemla bii AlloCiné (frànzeesch)
• Judith Chemla bi filmportal.de
• Judith Chemla in dr Dytsche Synchronkartei

1. ↑ Sébastien Porte: Judith Chemla : „J’ai l’impression d’être de moins en moins professionnelle“. In: Télérama. 26. Juni 2014, abgruefen am 6. Juli 2022 (französisch). 
2. ↑ Samya Yakoubaly: Judith Chemla (Camille redouble) radieuse et enceinte de son 2e enfant. In: Pure People. 6. April 2017, abgruefen am 6. Juli 2022 (französisch). 
3. ↑ L'actrice Judith Chemla victime de violences conjugales : ce que l’on sait de l’affaire. In: TF1 Info. 5. Juli 2022, abgruefen am 5. Juli 2022 (französisch). 
4. ↑ Judith Chemla : "Mesdames, ne retirez jamais, jamais, jamais une plainte que vous déposez". France Inter, 6. Juli 2022, abgruefen am 6. Juli 2022 (französisch). 

Dä Artikel basiert uff ere fräie Übersetzig vu dere Version vum Artikel „Judith_Chemla“ vu de dütsche Wikipedia. E Liste vu de Autore un Versione isch do z finde.

Dä Artikel basiert uff ere fräie Übersetzig vu dere Version vum Artikel „Judith_Chemla“ vu de französische Wikipedia. E Liste vu de Autore un Versione isch do z finde.