Jörg Meuthen

Dr Jörg Meuthen (* 29. Juni 1961 z Essen) isch e dytsche Wirtschaftswisseschaftler un Bolitiker (barteilos, bis aafangs 2022 AfD). Är isch Profässer fir Volkswirtschaftslehr un Finanzwisseschaft an dr Hochschuel Kähl un dertige Studiedekan vu dr Fakultet Wirtschafts-, Informations- un Sozialwisseschafte. Vu Juli 2015 bis zue sym Uusdritt am 28. Jänner 2022 isch er ain vu dr zwai Bundessprächer vu dr Alternative für Deutschland (AfD). Är isch derzue au vu Juli 2015 bis Merz 2017 ain vu drei Landessprächer z Bade-Wirttebärg un bis Novämber 2017 Fraktionsvorsitzer vu dr AfD im bade-wirttebärgische Landdag gsii.

Dr Meuthen isch in eme Essener Arbaiterviertel ufgwachse. Sy Vater isch Chaufmann gsii. Noch em Abitur am Goethe-Gymnasium z Bad Ems z Rhyland-Pfalz, wu sy Familie speter aanezogen ischhet er vu 1984 bis 1989 Volkswirtschaftslehr an dr Universitet Mainz studiert un het anne 1989 d Exame zum Diplom-Volkswirt abglait.^[1]

Vu 1989 bis 1993 isch dr Meuthen wisseschaftlige Mitarbaiter am Seminar fir Finanzwisseschaft vu dr Universitet z Köln bim Klaus Mackscheidt gsii. Anne 1993 isch dr Meuthen bim Mackscheidt^[2] an dr Universitet Köln mit ere finanzwisseschaftlige Schrift zue dr Chilchestyyr promoviert wore. Derno isch er Referänt im Hessische Finanzminischterium gsii. Anne 1996 het dr Meuthen an d Hochschuel fir effetligi Verwaltig z Kähl gwächslet un lehrt dert Volkswirtschaftslehr.^[3] Syter anne 2003 isch er Senatsbeufdraite fir d Uuslandskooperation Sidafrika. Uußer an dr Fakultet II (Wirtschafts-, Informations- un Sozialwisseschafte) vu dr Hochschuel Kähl lehrt dr Meuthen au an dr Friburger Verwaltigs- un Wirtschaftsakademy (VWA).^[4]

Är isch ghyrote, het drei Chinder us syre erschte un zwai us syre zwote Eh un läbt z Charlsrue.^[5]

Dr Meuthen het si no aigene Aagabe mit Ändi Zwanzg fir d FDP inträssiert, het däre ihri Haltig zue dr Pflägeversicherig aber as zue etatistisch aagluegt. Am Oobe vu dr Bundesdagswahl 2013 het er si entschlosse, dr AfD byyzdrätte. Ekonomisch diei er liberali, gsellschaftsbolitisch aber konservativi Aasichte verdrätte.^[6]

Dr Meuthen isch ab Novämber 2013 Byysitzer vu dr AfD Bade-Wirttebärg gsii. Im Jänner 2015 isch er zum stellverdrättende Landessprächer un im Juli 2015 zue aim vu dr drei Landessprächer gwehlt wore. Syt Oktober 2014 isch er Laiter vum Bundesfachuusschuss 3 „Leistung und Gerechtigkeit“. Derzue het er dr Landesfachuusschuss 5 „Arbeit und Soziales“ grindet, wun er bis Merz 2015 glaitet het. Bi dr Europawahl 2014 het er uf em Lischteplatz 10 kandidierta.^[7]

Im Juli 2015 isch dr Meuthen uf em Mitgliderbundesbarteidag vu dr AfD z Essen mit 62 Brozänt vu dr Stimme zum aim vu dr zwai Sprächer näbe dr Frauke Petry gwehlt wore.^[8] Bi me Landesbarteizag z Horb am Neckar isch dr Meuthen im Oktober 2015 zum Spitzekandidat vu dr AfD fir d Landdagswahl z Bade-Wirttebärg im Merz 2016 gwehlt wore.^[9] Är het e Landdagsmandat gwunne un isch am 16. Merz ohni Gegekandidat zum Fraktionsvorsitzer vu dr AfD im Stuegerter Landdag gwehlt wore.^[10]

In syre erscht Red vor em Stuegerter Landdag am 8. Juni 2016 het dr Meuthen zum Fall Wolfgang Gedeon gsait: „auch der neueste Versuch der politischen Verunglimpfung seitens unserer politischen Gegner, nämlich der Versuch uns nun mit der Antisemitismuskeule zu beschädigen, wird scheitern und in sich zusammenbrechen.“^[11] Wu si dr Meuthen mit syre Forderig noch eme Uusschluss vum Gedeon us dr Fraktion nit het chene dursetze, isch är mit zwelf andere Abgordnete us dr Fraktion uusdrätte.^[12] Am 11. Oktober 2016 hän si di bode verstrittene Dail wider zue aire Fraktion zämegschlosse.^[13]

Wu d Beatrix von Storch no dr Bundesdagswahl 2017 ire Mandat im Europabarlemänt niderglait het, sich dr Meuthen fir si noogruckt. Dr Vorsitrz vu dr Landdagsfraktion het er diräkt, sy Landdagsmandat Ändi 2017 niderglait.^[14][15]

Am 2. Dezämber 2017 het en dr Bundesbarteidag mit 72 Brozänt vu dr Stimme wider zum Bundessprächer vu dr AfD gwehlt.^[16] Bi dr Europawahl 2019 isch er Spitzekandidat vu syre Bartei gsii un isch ins Barlemänt gwehlt wore. und auf dem ersten Platz der bundesweiten Liste der AfD ins Europaparlament gewählt.^[17]

Im Novämber 2019 isch dr Meuthen bim Bundesbarteidag as Bundessprächer bstetigt wore.^[18][19]

Am 28. Jänner 2022 het dr Meuthen sy sofortige Uusdritt us dr AfD verchindet un het dr Barteivorsitz mit sofortiger Wirkig niderglait. As Grund derfir het er aagee, ass er dr Machtkampf um di boliisch Uusrichtig mit em rächtsextreme „Fligel“ verlore heeb. Är het aagchrindet, ass er sy Mandat im Europabarlemänt wett bhalte.^[20]

Meuthen isch zum ender wirtschaftsliberale Fligel in dr Alternative für Deutschland zellt wore, wu em friejere Bundessprächer Bernd Lucke noch gstande isch.^[21] No aigene Uusage het er e Gegegwicht zue dr Rächtskonservative im neie Barteivorstand welle bilde.^[22]

Monografie

• Die Kirchensteuer als Einnahmequelle von Religionsgemeinschaften. Eine finanzwissenschaftliche Analyse. Lang, Frankfurt am Main 1993, ISBN 3-631-46619-6.

Byydreg in Zytschrifte / Sammelbänd

• mit em Klaus Mackscheidt: Der Wohneigentumsmarkt im Lichte der geplanten Verbraucherschutzrichtlinien der Europäischen Gemeinschaft. In: Klaus Mackscheidt (Hrsg.): Entwicklungen in der Wohnungspolitik. Festgabe für Hans Hämmerlein zum 70. Geburtstag. Nomos, Baden-Baden 1994, ISBN 3-7890-3343-X, S. 179–196.
• mit em Rudolf Kriszeleit: Kredithöchstgrenze und Haushaltsvollzug. In: Die öffentliche Verwaltung. Bd. 48 (1995), H. 11, S. 461–466.
• mit em Klaus Mackscheidt: Kirchen als parafiskalische Organisationen. Einige Überlegungen zur Klassifizierung der Kirchen als Parafiski. In: Klaus Tiepelmann (Hrsg.): Politik der Parafiski. Intermediäre im Balanceakt zwischen Staats- und Bürgernähe. S + W Steuer- und Wirtschaftsverlag, Hamburg 1997, ISBN 3-89161-891-3, S. 137–161

 Commons: Jörg Meuthen – Sammlig vo Multimediadateie

• Jörg Meuthen an dr Hochschuel Kähl
• Porträt (31. Dezember 2015) uf Welt.de
• Porträt (11. Februar 2016) uf zeit.de

1. ↑ Lebenslauf Archivlink (Memento vom 1. März 2016 im Internet Archive) uf jmeuthen.de
2. ↑ Hans Wüllenweber: Die Kirchensteuer ist unverzichtbar. In: Saarbrücker Zeitung, 22. Septämber 1994.
3. ↑ Interview zue dr Kandidatur vum Jörg Meuthen. Archiviert vom Original am 27. Februar 2014; abgruefen am 10. März 2016.  (PDF-Datei), abgruefen am 5. Merz 2014
4. ↑ Vorläsisverzaichnis vu dr Verwaltigs- un Wirtschaftsakademy fir dr Regierigsbezirk Friburg e. V. Archivlink (Memento vom 6. März 2014 im Internet Archive) (PDF-Datei), abgruefen am 5. Merz 2014
5. ↑ Interview zue dr Kandidatur vum Jörg Meuthen. Archiviert vom Original am 27. Februar 2014; abgruefen am 10. März 2016.  (PDF-Datei), abgruefen am 5. Juli 2015
6. ↑ Günther Lachmann: Jörg Meuthen, die unbekannte Macht der AfD. In: welt.de. 31. Dezember 2015, abgruefen am 31. Dezember 2015. 
7. ↑ AfD hat ihre Bundesliste für die Europawahl 2014 gewählt Archivlink (Memento vom 18. Mai 2014 im Internet Archive), abgruefen am 5. Merz 2014
8. ↑ VWL-Professor in AfD-Bundesvorstand gewählt: Meuthen ist der Neue an Petrys Seite. In: swr.de. 4. Juli 2015, archiviert vom Original am 8. Juli 2015; abgruefen am 4. Juli 2015. 
9. ↑ Bericht vom AfD-Landesparteitag in Horb, Stuttgarter Zeitung vum 24. Oktober 2015.
10. ↑ Badische Zeitung: Südwest.
11. ↑ AfD Fraktionschef Meuthen haelt erste Rede vor Landtag Stuttgart Archivlink (Memento vom 17. Augschte 2016 im Internet Archive) Deutschlandfunk 8. Juni 2016 (1/2 Jahr online)
12. ↑ Baden-Württemberg: AfD-Chef Meuthen verlässt mit zwölf Abgeordneten Landtagsfraktion. Spiegel Online, 5. Juli 2016.
13. ↑ Stuttgarter AfD-Fraktion schließt sich wieder zusammen, Zeit, 11. Oktober 2016
14. ↑ AfD-Chef Meuthen wird EU-Parlamentarier. In: spiegel.de, 7. Novämber 2017.
15. ↑ Letzte Landtagssitzung für Meuthen und CDU-Mann Wacker. In: welt.de, 20. Dezämber 2017.
16. ↑ AfD: Jörg Meuthen zum Parteivorsitzenden gewählt. In: Die Zeit. 2. Dezember 2017, ISSN 0044-2070 (zeit.de [abgerufen am 2. Dezember 2017]). 
17. ↑ Europawahlen 2019: Alle Gewählte in alphabetischer Reihenfolge. bundeswahlleiter.de.
18. ↑ AfD-Parteitag in Braunschweig – Oberbürgermeister stolz: „Das fand ich sehr beeindruckend“. news38.de, 1. Dezämber 2019.
19. ↑ An einem Punkt zeigte sich die Macht des radikalen Blocks. welt.de, 30. Novämber 2019.
20. ↑ Meuthen verlässt die AfD. In: Tagesschau.de. 28. Januar 2022, abgruefen am 28. Januar 2022. 
21. ↑ Alexander Häusler: Ausblick. In: Ders. (Hrsg.): Die Alternative für Deutschland. Programmatik, Entwicklung und politische Verortung. Springer Fachmedien, Wiesbaden 2016, ISBN 978-3-658-10638-6, S. 239–245, hier: S. 242.
22. ↑ Hubert Röderer: Kehl: Wer ist der Kehler Professor an der AfD-Spitze? - badische-zeitung.de. In: badische-zeitung.de. 8. Juli 2015, abgruefen am 28. Januar 2016. 

Dä Artikel basiert uff ere fräie Übersetzig vu dere Version vum Artikel „Jörg_Meuthen“ vu de dütsche Wikipedia. E Liste vu de Autore un Versione isch do z finde.