Holzwihr
| Holzwihr | ||
|---|---|---|
|
| |
| Staat | Frankreich | |
| Region | Grand Est | |
| Département | Owerelsass | |
| Arrondissement | Colmer-Ràppschwihr | |
| Gmein | Porte du Ried | |
| Koordinaten | 48° 7′ N, 7° 25′ O | |
| Boschtleitzàhl | 68320 | |
| Ehemaliger INSEE-Code | 68143 | |
| Ingmeindung | 1. Janner 2016 | |
| Status | Commune déléguée | |
Holzwihr (IPA: [ˈholtsʋiːr], frz. Holtzwihr, dt. Holzweier) ìsch e ehmolige frànzeesche Gmein ìm Owerelsàss ìn dr Region Grand Est (bìs 2015 Region Elsàss). Sit 2016 ghert s Dorf zue dr Gmein Porte du Ried.
Geographi
[ändere | Quälltäxt bearbeite]S'Dorf lijt in dr Owerrhineweni, 4 km öschtlich vum Industrigebit im Norde vu Colmer. Noochberdorf isch Wickerschwihr, wo praktisch nohtlos im Oschte vum Ortsetter an Holzwihr aschlieest.
D'Umgäwung wird vorwigend fier dr Ackerbäu gnutzt.
Gschicht
[ändere | Quälltäxt bearbeite]Der Ort ésch vu der Franke gréndet un ém Johr 735 under em Name „Lilenselida“ zum èrschte Mol erwàhnt wore. Én sàllem Johr hat's der Graf vu Eberhard der Abtèi Murbach gschànkt. E àltere Form vum hétige Name, Heloldowilare, daicht 760 uf. Er beditet „Bürehof vum Helold“. Der Ort hat der Abtèi Murbach ghért, bis en d Habsburger sàllem ém 13. Johrhundert ewèggnumme hàn.
Der Drissigjéhrig Krieg hat s Dèrfle schwàr droffe un es ésch 1634 an Kolmer agschlosse wore. D Bevèlkerung hat's én der Folgezit mét der Hélf vu zahlriche Iwanderer üs der Schwiz wéder ufboie. Es ésch vu der Famélie vu Klingin verwaltet wore.
Bis 1837 isch dr öschtlich Noochberort Wickerschwihr e Ortsteil vu Holzwihr gsin.
Vun 1871 bìs 1918 hàt d Gmein zem ditsche Richslànd Elsàss-Lothringe ghert.
Ém Wénter 1944/45 sén 80 Brozànt vu Holzwihr zerstért wore. Am 27. Jànner 1945 hàn en d franzésche un d amérikanische Druppe befrèit.
Wappe
[ändere | Quälltäxt bearbeite]S Wappe zàigt unde uf goldigem Grund e gàls Kriz un owedra drèi sélbrige Lilie uf blaiem Grund. Es éxistiert sit 1977. S Kriz kummt vu sàllem Wappe, wu under em Louis XIV. fér Holzwihr un Wickerschwihr (wu sàllemols ài àinziger Ort gsé sén) verwàndet wore ésch. D Lilie symbolisiere d Famélie Klingin; sé hat als Wappe drèi goldige Lilie uf sélbrigem Grund gha.
Bevölkerung
[ändere | Quälltäxt bearbeite]Holzwihr het in dr 1960er Johre guet 500 Inwohner gha, 2005 sin 's no meh as 1200 gsin. Örtlichi Regionalsproch isch Elsàsserditsch.
| Johr | 1962 | 1968 | 1975 | 1982 | 1990 | 1999 | 2007 |
| Inwohner[1] | 482 | 527 | 631 | 728 | 831 | 1064 | 1304 |
Wértschaft
[ändere | Quälltäxt bearbeite]Holzwihr ésch landwértschaftlig bràgt. Es wàre haiptsàchlig Rénder un Soi zéchtet un Wi, Obst un Sürkrüt broduziert. Es gét oi e landwértschaftlige Gnosseschaft.
Böiwark
[ändere | Quälltäxt bearbeite]- Kìrich St. Martin (1956)
- Denkmol vum amerikanische Künschtler Audie Murphy
-
Kìrich St. Martin
Weblink
[ändere | Quälltäxt bearbeite]
Commons: Holtzwihr – Sammlig vo Multimediadateie