Efige

Efige
	Wappe vo Efige
Basisdate
Staat:	Schwiiz
Kanton:	Aargau (AG)
Bezirk:	Brugg
BFS-Nr.:	4096
Poschtleitzahl:	5078
Koordinate:	650155 / 260313Koordinate: 47° 29′ 30″ N, 8° 6′ 15″ O; CH1903: 650155 / 260313
Höchi:	432 m ü. M.
Flächi:	6,85 km²
Iiwohner:	Expression-Fähler: Nit erwartete Operator: <Ungültiger Metadaten-Schlüssel 4096 (31. Dezämber 2022)
Website:	www.effingen.ch
Charte
	Charte vo Efige

Efige (amtlich Effingen) isch en Iiwohnergmeind im Bezirk Brugg im Schwiizer Kanton Aargau. S Dorf ligt vo Brugg us ännet em Bözberg im obere Fricktal, wo s geografisch derzu ghört, historisch sträng gno aber nöd.

Geographii

De Gmeindsbann het e Flächi vo 685 Hektare, dodervo sind 323 Hektare Wald und 58 Hektare überbaut. Di höchschti Stell isch uf 634 Meter, di tüfschti uf 424 Meter.

Nochbargmeinde sind Müendl im Norde, Bözbrg im Oschte und im Südoschte, Zeihe im Süde, Böze im Weschte und Elfige im Nordweschte.

Gschicht

S erschti Mol taucht Efingen in ere Urkund us em Johr 1284 uf. Im Mittelalter isch s Dorf en Teil vom Dinghof Elfige gsi u het zum Chloschter Murbach im Elsass ghört. De Dinghof het verschidnigi Rächt i de nöchere Umgebig gha un isch im 1291i a d Habsburger verkauft worde. D Agnes von Ungarn het dann im 1322i de Bsitz em Chloschter Königsfälde gschenkt. Im Johr 1460 hei d Bärner d Herrschaft Schänkebärg, wo au Efige derzu ghört het, eroberet. So hei si sich de Pass über de Bözbärg chönne sichere, wo in de Nöchi vo de Gränze zu Vorderöschtriich gläge-n-isch. Efige isch zu eme Teil vom Grichtsbezirk Böze vom Amt Schänkebärg worde. D Reformation isch, wi überall z Bärn, im 1528i iigführt worde.