Chandravamsha
D Chandravamsha oder Chandramvamshi, au d Moodynastii (Sanskrit: चन्द्रवंशी, Candravaṃśī m.) isch e mythischi Dynastii im Hinduismus. Di bikanntiste Vertreter vo dere Dynastii sind de Krishna und de Arjuna.
D Stammuetter vo de Moodynastii isch d Ida oder Ila, d Töcher vom Urmentsch Manu Vivasvata. Si het de Budha (de Planet Merkur) ghüüroote, wo e Soo vom Moogott Chandra isch. D Moodynastii tailt sich i meriri Zwiig, so i d Yadavas, wo de Krishna dezueghört und i d Pauravas, wo sich spööter i di verfindete Sippe vo de Pandava und de Kaurava tailt. Au d König vo Varanasi stamet vo de Moodynastii ab.