Allgai

As Allgai wird d Region im Siide vo Obrschwobe bezoichnet. Dazua ghert a Doil vum boirische Regiirungsbezirk Schwobe, sowia kloine Doil vu Baade-Wirtebearg, Vorarlberg und Tirol. As Allgai isch huit vor allem als Ferieregion bekannt.

E genaue Grenz fir s Allgai gibts nit. Dia hot im Lauf vo da Gschicht variart. Im 16. Johrhundert bispilswis is ganz Obrschwobe als Allgai bezoichnet wore.^[1] Da s Allgai touristisch en guate Name wore isch, isch in d lezde Johrzehnt Mindlhaim, Memminge und Werishofe wieder dazuagrechnet wore.

Ma unterschiidet folgende Doilregiona:

• Oberallgai (d Allgaier Alpe und s uumittlbare Vorlånd)
• Unterallgai (des si nerdlich dra aaschließende Hiigllånd, ghärt aber zm gröschta Doil nimma zum Allgäu)
• Oschdtallgai (grenzt a Oberbaiern)
• Weschdtallgai (mit Dtoil vo de zwoi Låndkrois Linde und Raveschburg; Åltkrois Wange)

In dr Region Allgai leabet uugfähr 560.000 Mensche.

Bekanndte Schdtädt und Gmoinde im Allgai sind:

Die greeschde Fliss sind d Iller und dr Lech; zwoi Neabefliss vu dr Donau. Dur s Weschdtallgai fließt d Arge, weele in de Bodesee mindet. Dr Alpsee bi Immeschdtadt und dr ufgschdtaute Forgesee zääled zue de bedidtendschdte See vu dr Region.

D hegschte Gipfl vo d Allgaier Alpe liege entwedr in Eschtrich odr an dr dytsch-eschtrichische Grenz.

D Noardsite vo d Allgair Alpe zwische Füassa und Pfronte mid m Hopfasää im Voardrgrund.

Roisebericht verwended geleagendlich die oft loobende Formuliirung „wie im Allgäu“. Si dtaucht z. B. bi Låndschaftsbeschriibunga vo Iislånd, Tschiile, Südamerika und Hesse, sowie zu viile åndere Geegende uf.

• Schloss Nuischwanschtoi,
• Burgruine Falkenstein bei Pfronte
• Burgruine Eisenberg
• Burg Hohenfreyberg im Oschtallgai
• Schloss Kronburg

• Schoidegger Wasserfälle
• Braitachklamm

D Muaddrsproch vum Allgai isch es Allgairisch, wo zum schwäbisch-alemannische Sprochberiich gheert und zimle näh mit m Vorarlbergische, em Liechteschdtoinische und em Schwäbische verwåndt isch.

D traditionelle Kuche im Allgai isch oifoch. An Haufa Gerichte sin als arme Leit Esse bzw. Restlesesse entstande. Gesse wore isch des, wo mer drhoim odr in dr Umgebig erwirtschaftet hod.

• Ludwig Aurbacher (* 26. August 1784 z Tirke, Schwobe; † 25. Mai 1847 z Minke), Leahrer und Schriftsteller
• Michael Bredl (* 1916; † 1999 z Hindelong), Volksmusiker
• Hans Magnus Enzensberger (* 11. November 1929 z Kaufbeira), Dichder, Schriftsteller
• Ludwig Ganghofer (* 7. Juli 1855 z Kaufbeira; † 24. Juli 1920 z Tegernsee), Schriftsteller und Erfinder
• Alfred Weitnauer (* 1905 z Kempte; † 1974 z Obergenzburg), Hoimatpfleger, Schriftsteller, Hischtoriker

 Commons: Allgäu – Sammlig vo Multimediadateie

• Hilmar Sturm: Das Allgäu uf heimatbund-allgaeu.de
• 3sat Kulturlandschaften: Allgäu, mit Wladimir Kaminer, vom 22. August 2016, 19:30 Uhr, 28 min.
• Tourismus- und Wirtschaftsinformationen aus dem Allgäu / Tirol uf allgaeu-abc.de
• Dein Allgäu uf dein-allgaeu.de

1. ↑ Cosmographia Universalis von Sebastian Münster, erschine bi Heinrich Petri, Basel 1550

Dä Artikel basiert uff ere fräie Übersetzig vu dere Version vum Artikel „Allgäu“ vu de dütsche Wikipedia. E Liste vu de Autore un Versione isch do z finde.