Laindertitzschu

S Laindertitzschu isch dr hegschdalemanisch Dialäkt vùm Land. Es ghèèrd doodrmid zem Siidwalsertiitsch.

Im Land isch e Ùfnaameord vùm Schwyzer Schbroochatlas gsii (IT 3). D Ùfnaam isch vùm Fritz Gysling ùn em Rudolf Hotzenköcherle im Oktober 1951 gmachd woore.

Dr Lannjer Giovanni Giordani hed ane 1891 e uusfierligi Ortsgrammatik iber dr Dialekt vùm Land gschriibe: La Colonia tedesca di Alagna-Valsesia e il suo dialetto.

Im friene 20. Joorhùnderd hed dr Karl Bohnenberger Ùfnaame gmachd ùn si in syn BSG-Band yyber s Walliser- ùn Walserdytsch integrierd, wù 1913 uusechùù isch.

In dr sälbe Zytt hed dr cand. phil. Georgi vù Berlin wele ne Dissertation iber Alagna schryybe, aber är isch vor em Abschlus gschdoorbe (waarschyns im Èèrschde Wäldchrieg gfale).^[1] D Uuswäärdig vù sym Wäärch fir s Schwyzerisch Idiotikon hed 1400 Zeedel gee – ùn doodermit isch s e Stùg wyd in des Wèèrderbuech yygange.^[2]

Schdarch im Fokus ghaa hed Alagna dr Bärner Archivar ùn Schrifdschdeller Emil Balmer. Sys Buech „Die Walser im Piemont“, wo 1949 uusechùù isch, isch nid zletschd s Resuldaad gsii vo ganz perseenlege Bezieige zue dr Lainder, ùn er schließt sys Wäärch au mid eme lainderdytsche Wèèrderverzaichnis.

D Fluurnäme vùm Land hed dr Paul Zinsli ùf verschiidene Forschigsexkursione ùfgnùù, im Augschte 1957 zäme mid Schtudände, im Juni 1958 mid em Paul Scheuermeier, im Augschte 1961 mid em Max Waibel ùn em E. Schorno ùn im Juni 1983 mid em Heinrich Welf. Dr Paul Zinsli hed die Samlig derno ane 1984 in syym Buech „Südwalser Namengut“ verefendligd. 2007 isch dr Alagna-Band vùm „Atlante Toponomastico del Piemonte Montano“ uusechùù – e Biechli, wù d Fluernämen erchläärd ùn si (andersch wie bim Zinsli sym Buech) uf Chaarde lokalisierd. 2009 isch dr ganz eenlig Band Ourdnome van Im Land usechù.

Ane 2008 hed dr Sergio Maria Gilardino, wù an dr Universideed Montreal z Kanada lèèrd, e nèi Wèèrderbuech vùm Laindertitzschu uusebroochd.

In däm Artikel sin di laindertitzsche Dialektbyyschbel in Dieth-Schryybig gschriibe. Dooderbyy wird dr Buechschdaab <k> fir d Fortis [k] bruucht, <kk> fir d geminierd Fortis [kk] bzw. [k:], fir d Affrikata [kx] wird <kch> gschriibe.

• Voli Vokal

Im Laindertitzschu sin wie in andere Walserdialäkt di vole Vokal in ùùbetoonde Silbe nid abgschwèchd woore.

Schnoobul (dt. Schnaabel), Hoomra (dt. Hämmer), Achär (dt. Acker)

• Entrùndig

Wie im Wallisertitsch sin ü, ö, üü, öö, üe ùn öü entrùnded:

Tiir (dt. Tür), Leflji (dt. Löffel), Hiischär (dt. Häuser), Chiä (dt. Kühe), Hai (dt. Heu)

• mhd. î, iu, û

Mhd. î, iu ùn û sin wie in alene hegschdalemanische Dialäkt au im Uuslud ùn im Hiatus as Monophthong erhalde.

drii (dt. drei), schnüwe (dt. schneien), khie (dt. fallen), nüwe (dt. neue), buwwa (dt. bauen)

• altalem. iu

Wie im Wallisertitsch erschyynd altalem. iu in e Dail Wèèrder as Diphthong.

taif (dt. tief), Flaigu (dt. Fliege)

• mhd. â

Mhd. â erschyynd as oo.

Schoof (dt. Schaf)

• mhd. æ, ê, ô

Mhd. æ ùn ê erschyyne as ee bzw. eei, mhd. ô as oou.

schweer (dt. schwer), Cheeisch (dt. Käse), Meintog (dt. Montag), Schneei (dt. Schnee), Broout (dt. Brot)

D Lutig schweer, Cheeisch, Meeintog zaigd, as s Laindertitzschu zue dr weschdlige Siidwalser Dialäkt ghèèrd.

• Vokaldeenig

Wie in dr andere weschdlige Siidwalserdialäkt sin Vokal in Aisilber ùn ùfige Silbe deend.

Groob/Greeber (dt. Grab/Gräber), Groobe (dt. Graben)

• 2./3. Sg. vù mhd. stân, gân

Wie im Wallisertitsch erschyyne di 2./3. Sg. vù mhd. stân, gân mid Diphthong

du gaischt (dt. du gehst), er gaid (dt. er geht), du schtaischt (dt. du stehst), er schtaid (dt. er steht)

• german. s > sch

Wie in andere Walserdialäkt isch s germanisch s in vyyle Wèèrder palatalisierd zue sch.

indsch (dt. uns), sakschi (dt. sechs), schiiban (dt. sieben), Akschla (dt. Achsel), Cheisch (dt. Käse), Hiischär (dt. Häuser), Iisch (dt. Eis), Iische (dt. Eisen), Liisch (dt. Läuse), liischmu (dt. stricken), Masch (dt. Messe), Miisch (dt. Mäuse), Nooscha (dt. Nase), Schagascha (dt. Sense), schelle (dt. sollen), Schiida (dt. Seide).

Im Geegesaz zue andre Walserdialäkt, wù germ. s nùmme palatalisierd isch, wän s im Ahd. im Kontakt zue me i gschdanden isch (vgl. indsch < ahd. unsih, ünsih), isch germ. im Laindertitzschu au in andre Schdelige palatalisierd (vgl. Nooscha < ahd. nasa).

• mhd. -hs

Wie im Wallisertitsch erschyynd mhd. -hs as -ks, nid wie in vyyle Schwyzer Dialäkt as –chs:

sakschi (dt. sechs), Akschla (dt. Achseln)

• mhd. -nk

Mhd. -nk erschyynd wie in andere siidwalserische Dialäkt as -ngch.

tringchä (dt. trinken), Bangch (Bank)

• mhd. -rn

Wie in andre hegschdalemanische Dialäkt erschyynd mhd. -rn as -re.

geere (dt. gern), Houre/Oure (dt. Horn), moure (dt. morgen)

• mhd. -rm

Wie in andre Walser Dialäkt erschyynd mhd. -rm as -ru

Dooru (dt. Darm), Ooru (dt. Arm), Wuuru (dt. Wurm)

• mhd. ch

S ch wird Im Land maischd eender palatal realiserd, d. h. eender wie in dt. ich, au im Aalud ùn nooch velare Vokal: Chua, arauchu (dt. räuchern)

• germ. h im Aalud

Ùnder em Yyflùs vùm Idalieenisch schwinded germ. h im Aalud dailwyys

Aupt (dt. Haupt, Kopf), Oure nääbe Houre (dt. Horn)

• Vorsilbe a- vor r

Wie im Dialäkt vù Rimmu wird im Laindertitzschu vor r zem Dail e Vorsilb a- gschbroche.

arauchu (dt. räuchern), Arechnung (dt. Rechnung), Ariffu (dt. Rauhreif)

• Vorsilbe be-/ge-

E Bsunderhaid vùm Laindertitzschu isch, as Vorsilbe wie im Dialäkt vù Rimmu oder Makanaa be- oder ge- vor Dental nid ganz gschwunde sin, sùndere no as Verschluslud bliibe sin. Noch em Material vùm Schwyzer Schbroochatlas said mer Im Land also wiirgli gtrooge (dt. getragen), gzouche (gezogen). Die gnau phonetisch Realisierig vù dääne Konsonantecluster wird allerdings us em SDS-Material nid chlaar.

	m. (schdaarch)		m. (schwach)		f. (schdaarch)		f. (schwach)		s.
	Sg.	Pl.	Sg.	Pl.	Sg.	Pl.	Sg.	Pl.	Sg.	Pl.
Nom.	der Vater	d Vatra	der Gortu	d Gorte	d Chua	d Chüa	d Watta	d Watte	ds Bai	d Bai
Gen.	dsch Vatersch	der Vatru	dsch Gorte	der Gortu	der Chua	der Chüannu	der Wattu	der Wattu	dsch Baisch	der Bainu
Dat.	dam Vater	da Vatre	dam Gorte	dan Gortu	dar Chua	da Chüanne	dar Wattu	da Wattu	dam Bai	dan Baine
Akk.	da Vater	d Vatra	dan Gorte	d Gorte	d Chua	d Chüa	d Wattu	d Watte	ds Bai	d Bai

Dr Genitiv wird im Laindertitzschu no in vyyl Fäl bruuchd.

• der Soo miisch Vettersch (dt. der Sohn meines Vetters)
• miisch Vatersch Huus (dt. meines Vaters Haus)
• ds Huus miisch Vatersch (dt. das Haus meines Vaters)
• sich versicherre der Woorhait (dt. sich der Wahrheit versichern)
• sich bdianu dsch Messersch (dt. sich des Messers bedienen)

Maskulina

• -a: Acher, Achra (dt. Acker), Diäb, Diäba (dt. Dieb), Leffil, Leffla (dt. Löffel), Moo, Manna (dt. Mann), Muurer, Muurera (dt. Maurer), Noogal, Noogla (dt. Nagel), Ooru, Orma (dt. Arm), Schtai, Schtaina (dt. Stein), Vater, Vatra (dt. Vater)
• Ùmlud: Hùnd, Hìnd (dt. Hund), Fuas, Fiäs (dt. Fuß), Soo, See (dt. Sohn), Schtokch, Schteckch (dt. Stock)
• -änä: Attu, Attänä (dt. Vater), Ènnu, Ènnänä (dt. Grossvater), Eechi, Eechänä (dt. Onkel)
• Sg. -u, Pl. -a: Gortu, Gorte (dt. Garten), Hoosu, Hoose (dt. Hase), Hoonu, Hoone (dt. Hahn)

Feminina

• Sg. a, Pl. -e: Akschla, Akschle, Watta, Watte (dt. Schester), Zunga, Zunge (dt. Zunge)
• Ùmlud: Chua, Chia (dt. Kuh), Hand, Händ (dt. Hand), Hud, Hit (dt. Haut), Muus, Miisch (dt. Maus),
• Pl. = Sg.: Uur, Uur (dt. Uhr), Schual, Schual (dt. Schule), Sind, Sind (dt. Sünde)
• Sg. -i, Pl. -ine: Miili, Miiline (dt. Mühle), Forwi, Forwine (dt. Farbe), Dechi, Dechine (dt. Decke)

Neutra

• -i: Chind, Chindi (dt. Kind), Imbis, Imbisi (dt. Mahlzeit)
• Sg. -i, Pl. -ini: Watti, Wattini (dt. )
• Pl. = Sg.: Bai, Bai (dt. Bein)
• -er: Chalb, Chalber (dt. Kalb), Liäd, Liäder (dt. Lied), Wiib, Wiiber (dt. Frau)
• Pl. = Sg.: Bai, Bai (dt. Bein)
• -er + Ùmlud: Buach, Biacher (dt. Buch)

	ich	du	er	sie	es	wir	ihr	sie
Nom.	ich, i	du, d	er	schi	is, es, s	wiär, wer	iär, er	schi, sch
Gen.	miine	diine	schine	iira	schine	iinsche	ewwe	iiru
Dat.	miär, mer	diär, der	iim, mu	iira, ra	iim, mu	insch, nisch	eww, ne	iini, ni
Akk.	mich, mi	dich, di	iin, ne	schiju, scha	is, s	insch, nisch	eww, ne	schi, sch

Bi Pronomina wääre no Genitivfoorme bruuchd.

Ich wil ru auch. (dt. Ich will ihrer auch. = Ich will auch von ihnen.)

Deklination schdaarchi Adjetiv

	m.		w.		s.
	Sg.	Pl.	Sg.	Pl.	Sg.	Pl.
Nom.	an guate Vater	guat Vatra	a jungi Watta	jung Watte	as guats Chind	guati Chindi
Gen.	asch guate Vatersch	guater Vatru	ainer jungu Wattu	junger Wattu	as guate Chindsch	guater Chindu
Dat.	ainem guate Vater	guati Vatre	ainer jungu Wattu	jungi Wattu	ainem guate Chind	guati Chinde
Akk.	an guate Vater	guat Vatra	a jung Watta	jung Watte	as guats Chind	guati Chind

Deklination schwachi Adjetiv

	m.		w.		s.
	Sg.	Pl.	Sg.	Pl.	Sg.	Pl.
Nom.	der guat Vater	d guate Vatra	d jung Watta	d jungu Watte	ds guat Chind	d guatu Chindi
Gen.	dsch guate Vatersch	der guatu Vatru	der jungu Wattu	der jungu Wattu	dsch guate Chindsch	der guatu Chindi
Dat.	dam guate Vater	dan guati Vatre	dar jungu Wattu	da jungi Wattu	dam guate Chind	dan guati Chinde
Akk.	dan guate Vater	d guatu Vatra	d jung Wattu	d jungu Watte	ds guat Chind	d guatu Chindi

Wie in vyyle hegschdalemanische Dialäkt wääre Adjektiv au prädikativ deklinierd.

D Aju isch jungi und hìbschi. (dt. Die Mutter ist jung und hübsch.)

Schdaigerig

jung, jungur, jungscht

läng, längur, längscht

Suppletiv: vil, mei, maischt - grouss, meir, maischt - likke, minder, mindschtu - guat, besser, besschtu

Konjugation vù dr schdaarche Verbe

dt.		beißen	stinken	sterben	essen	laden
Infinitiv		bisse	schtingche	schterbe	asse	loode
Partizip Perfekt		gbìsse	gschtùngche	gschtourbe	kasse	gloode
Ind. Präs. Sg.	1.	ich bissi	ich schtingchi	ich schtìrbi	ich issi	ich loodi
	2.	du bissescht	du schtingchescht	du schtìrbscht	du issescht	du loodescht
	3.	er bisst	er schtiicht	er schtìrbt	er isst	er leed
Ind. Präs. Pl.	1.	wiär bissi	wiär schtingchi	wiär schterbi	wiär assi	wiär loodi
	2.	iär bissed	iär schtingched	iär schterbed	iär assed	iär looded
	3.	schi bissind	schi schtingchind	schi schterbind	schi assind	schi loodind

Konjugation vù dr schwache Verbe

dt.		stecken	machen	suchen
Infinitiv		schtekche	machu	suachi
Partizip Perfekt		gschtekcht	kmachut	gsuacht
Ind. Präs. Sg.	1.	ich schtekchi	ich machi	ich suachi
	2.	du schtekchscht	du machuscht	du suachescht
	3.	er schtekcht	er machud	er suacht
Ind. Präs. Pl.	1.	wiär schtekchi	wiär machi	wiär suachi
	2.	iär schtekched	iär mached	iär suached
	3.	schi schtekchind	schi machind	schi suachind

• schii (dt. sein)

Präs. Ind.: ich bin, du bischt, er ischt, wiär schiin, iär schiid, schi schind

Part Perf.: gschi

Konj. Präs.: ich schigi, Konj. Prät.: ich wäiri

• hoo (dt. haben)

Präs. Ind.: ich hon, du häscht, er häd, wiär hain, iär haid, schi haind

Part Perf.: ghobe

Konj. Präs.: ich haigi, Konj. Prät.: ich hatti

• tua (dt. )

Präs. Ind.: ich tuan, du tuascht, er tuad, wiär tiän, iär tiäd, schi tiänd

Part Perf.: gtoo

Konj. Präs.: ich tiäji, Konj. Prät.: ich täti

• chenne (dt. können)

Präs. Ind.: ich chan, du chascht, er chad, wiär chonni, iär chonnd, schi chonnind

Part Perf.: chenne

Konj. Präs.: ich chenni, Konj. Prät.: ich cheindi

• meege (dt. mögen, vgl. gmeege, dt. können)

Präs. Ind.: ich maan, du maascht, er maad, wiär mùùn, iär mùùd, schi mùnd

Part Perf.: meege

Konj. Präs.: ich meegi, Konj. Prät.: ich mechti

• mìässe (dt. müssen)

Präs. Ind.: ich muas, du muascht/muasuscht, er muas/muasud, wiär muassi, iär muassed, schi muassind

Part Perf.: mìässe

Konj. Präs.: ich mìässi, Konj. Prät.: ich meissti

• welle (dt. wollen)

Präs. Ind.: ich wil, du wilt, er wil, wiär welli, iär weld, schi wellind

Part Perf.: welle

Konj. Präs.: ich welli, Konj. Prät.: ich wellti

• schelle (dt. sollen)

Präs. Ind.: ich schall, du schallscht, er schall, wiär scholli, iär scholld, schi schollind

Part Perf.: schelle

Konj. Präs.: ich schelli, Konj. Prät.: ich schellti

• tìrfe/tìrre (dt. dürfen)

Präs. Ind.: ich taarf/taar, du taafscht/tarscht, er tarf/tar, wiär turfi/turri, iär turfd/turred, schi turfind/turrind

Part Perf.: tirfe/tirre

Konj. Präs.: ich tirfi/tirri, Konj. Prät.: ich teirfti

• cheme (dt. kommen)

Präs. Ind.: ich chimi, du chinscht, er chind, wiär chemi, iär chemed, schi chemind

Part Perf.: cheme

Konj. Präs.: ich chemi, Konj. Prät.: ich cheimi

• foo (dt. fangen)

Präs. Ind.: ich fon, du foscht, er fod, wiär fein/fanggi, iär feid/fangged, schi feind/fanggind

Part Perf.: gfange

Konj. Präs.: ich feiji

• gee (dt. geben)

Präs. Ind.: ich gìbì, du gìscht, er gìd, wiär gaan, iär gaad, schi gaand

Part Perf.: kee

Konj. Präs.: ich gibi/geibi

• gei (dt. nehmen)

Präs. Ind.: ich gein, du geischt, er geid, wiär gein, iär geid/geied, schi geind

Part Perf.: keicht

Konj. Präs.: ich geiji

• goo (dt. gehen)

Präs. Ind.: ich gon, du gaischt, er gaid, wiär gangi, iär ganged, schi gond

Part Perf.: kange

Konj. Präs.: ich gangi, Konj. Prät.: ich gäingi

• gsei (dt. sehen)

Präs. Ind.: ich gsian, du gsiascht, er gsiad, wiär gsein, iär gseid, schi gseind

Part Perf.: gsei

• loo (dt. lassen)

Präs. Ind.: ich loon, du looscht, er lood, wiär lein, iär leid, schi leind

Part Perf.: gloo

Konj. Präs.: ich leiji

• schtoo (dt. stehen)

Präs. Ind.: ich schtoon, du schtaischt, er schtaid, wiär schtandi, iär schtanded, schi schtond

Part Perf.: gschtande

Konj. Präs.: ich schtandi, Konj. Prät.: ich schtäindi

• ziä (dt. ziehen)

Präs. Ind.: ich ziän, du ziänscht, er ziäd, wiär ziän, iär ziäd, schi ziänd

Part Perf.: gzouche

Konj. Präs.: ich ziäji, Konj. Prät.: ich zouchi

Andersch wi im Wallisertitsch gid s im Laindertitzschu bi dr Chùùrzverbe nooch dr Infinitivpartikel z no ne bsùnderigi Form fir dr Infinitiv, wù uf s midelhoochdydsch Gerundium zruggood.

z feen (dt. zu fangen) vs. Inf. foo (dt. fangen); z hänn (z heen?) (dt. zu haben) vs. Inf. hoo (dt. haben); z gschein (dt. zu sehen) vs. Inf. gschei (dt. sehen); z leen (dt. zu lassen) vs. Inf. loo (dt. lassen); z schleen (dt. zu schlagen) vs. Inf. schloo (dt. schlagen); z schyn (dt. zu sein) vs. Inf. schy (dt. sein); z tiän (dt. zu tun) vs. Inf. tua (dt. tun)

Ds partizip perfekt ist in laindertitzschu zwifolts: aktivs und passivs.
Bispïlj:

Ich hon ds Werch gmachud (aktiv), ober: Ds Werch ist gsi gmachuts (passiv).

Du häst an Äpfil ggasse (aktiv), ober: Der Äpfil ist vam chind ggassne (passiv)

Bim Diminutiv gid s wie in vyyle Walliser ùn Walser Dialäkt verschiideni Suffix:

• -i: Chatzi, Soogi
• -li: Fingerli, Vogelti
• -si: Hundsi, Reidsi,
• -ji: Hookji, Trougji
• -elti: Vergelti

Wùchedääg

Meintog, Ziischtog, Mittwuchu, Froontog, Friitog, Samschtog, Sunnatog

Wèèrder, wù in in andere Bied sùnschd maischd uusgschdoorbe sin

• Bruach (dt. Hose) vgl. gallisch bracha*
• schummi (dt. einige) vgl. englisch some
• untcheede (dt. antworten)
• huuru (dt. jauchzen)

Wèèrder, wù sich e aldi Bedydig ghalde hed

• Houschi (dt. Strümpfe)
• jutze (dt. rufen)

Sùnschdigi bsùnderi Wèèrder

• Gìrgentsch (dt. Vogelbeere)
• Straffel (dt. Heuschrecke)
• Pfiffuntrilla (dt. Schmetterling)
• Zanggal (dt. Heupferd)

• likke (dt. klein)
• fiiru (dt. kochen)

• der grouss Moonud (dt. Januar)
• der lik Moonud (dt. Februar)

• Holdmoo (dt. Geliebter)
• Holdwiib (dt. Geliebte)
• Ettru (dt. Onkel)
• Watta (dt. Schwester)

• Artuffule (dt. Kattoffeln) < piemont. tartùfoli ober auch titzsch "Erdäpfel"
• Gbouch (dt. Wäsche) < ital. bucato, piemont. bugà
• Griifle (dt. Preiselbeere), piemont. grivle
• proprio (dt. wirklich) < ital. proprio
• Pummi (dt. Apfel) < piemont. pom
• Rubinettji (dt. Wasserhahn) < piemont. rubinèt
• ds Zid (dt. Wetter) < ital. il tempo ober di zit (dt. Zeit). Wailscha, wia piemonteisisch und allji andri romanischi sproche, häd nua as wourd fïr Wetter und Zeit.

Aber au di ganz Luttig isch dyttlig romaanisch gfèrbt. Dr Fritz Gysling hèd gschrìbe: „Welche Kennzeichen sind es, die in uns den Eindruck erwecken, wir hätten es in Al[agna] mit einer deutlich romanischen Mundart zu tun? Am ohrenfälligsten ist eine starke Palatalisierung […] Dem Italienischen ungewohnte Laute fallen ab oder werden durch artikulatorisch am nächsten stehende ersetzt […] Verschleifungen sind häufig […].“ Zur Syntax hèd r gsait: „Im spontanen Gespräch wird die Umstellung von Verb und Objekt immer häufiger: ops’la ts ái (Gras mähen)“ usw.^[3]

Wiär häin gholdùd in Dizschù, gfochte in Dizschù ùnd gfriidùd in Dizschù. Wiär schin owèggangge vièrùnzweenzg Joor vam Laan, ds gaanze gschi mi wäälschèm Volĉh ùnd ds gaanze gschwässt dizschu. Myne Mo ischt geere Laanjer, fascht geere! Ond i scheegi nä vièrùndzweenzg Joor häi wèr gleebe ùssèr Laand; mynè Mo isch gschi siibe Joor nel Conggo Bèlga, der isch Fäälmässer. Jùngge Moo ischt èr gschi schiibe Joor nel Conggo Bèlga. Nusch dèrno häiwèr gwèrĉhùd ès aandärs Wèrĉhi, a Borgesesia, nù schi wèr beidi oolti, der hat äischùschääĉhzg ùnd ich ho schäächzg. Ù nosch wèr èn Bitz Gùùèd, ùnd è Bitz Aalpù – ùnd aall schind sch olt Vollĉh! Wir schind hiè ĉheme sto in d oltù Tooge. Ùn nosch dèr Schù tuèt dè, wos èr wil. We dèr wil go sto in d Stadt, gääid èr ùnd schùs tuèd èr hiè sto. Wièr wellji hiè stèrbe, wièr wellji schi värgrobni hiè mid innschi Oolti.

(vezeld vù dr Clelia Viotti-Gabbio ane 1958, zidierd bim Zinsli 1968, S. 416f.)

• Artikel ùf Laindertitzschu

• Atlante Toponomastico, Band 32: Alagna Valsesia. Hrsg. von Atlante Toponomastico del Piemonte Montano unter der Leitung von Arturo Genre und Lorenzo Massobrio. Turin 2007.
• Emil Balmer: Die Walser im Piemont. Vom Leben und von der Sprache der deutschen Ansiedler hinterm Monte Rosa. Francke, Bern 1949, bes. S. 27–104.
• Karl Bohnenberger: Die Mundart der Deutschen Walliser im Heimattal und in den Aussenorten. Verlag Huber, Frauenfeld 1913 (Beiträge zur Schweizerdeutschen Grammatik 6).
• Elisabetta Fazzini, Costanza Cigni: Vocabolario comparativo dei dialetti Walser in Italia. Bd. 1–6. Edizioni dell’Orso, Alessandria 2004–2022 (Alemannica 1, 5, 6, 7, 9, 10).
• Sergio Maria Gilardino: I Walser e la loro lingua. Dal grande nord alle alpi. Dizionario della lingua walser di Alagna Valsesia. Zeisciu, Alagna Valsesia, 2008.
• Giovanni Giordani: La colonia tedesca di Alagna – Valsersia e il suo dialetto. 1. Auflage 1891, 2. Auflage 1927 (Noodrùgg 1982).
• Fritz Gysling: Zu einigen Fremdwörtern in der Mundart von Alagna. In: Wir Walser 7/1, 1969, S. 16–24 (dr Dittel isch ganz ùnneedig bschaide).
• Rudolf Hotzenköcherle: Umlautphänomene am Südrand der Germania. In: Fragen und Forschungen im Bereich und Umkreis der germanischen Philologie, Festgabe für Theodor Frings zum 70. Geburtstag. Berlin 1956 (Deutsche Akademie der Wissenschaften zu Berlin, Veröffentlichungen des Instituts für deutsche Sprache und Literatur), S. 221–250.
• Rudolf Hotzenköcherle: Die südwalserisch-ernetbirgischen Mundarten im Spiegel ihrer Verbalformen. In Maria Bindschedel, Rudolf Hotzenköcherle, & Werner Kohlschmidt (Hrsg.), Festschrift für Paul Zinsli, 79–98. Francke, Bern 1971.
• Renato Perinetto: Consonanze morfologiche nella parlate die Issime (Valle del Lys) e Alagna (Valle Sesia). In: Augusta 1980, S. 7–12.
• Regione Piemonte (Hrsg.): Ourdnome van Im Land. I nomi di luogo di Alagna Valsesia. Raccolti da Pietro Ferraris. Il leone verde, Turin 2009.
• Sprachatlas der deutschen Schweiz (SDS). Begr. von Heinrich Baumgartner und Rudolf Hotzenköcherle. In Zusammenarbeit mit Konrad Lobeck, Robert Schläpfer, Rudolf Trüb und unter Mitwirkung von Paul Zinsli herausgegeben von Rudolf Hotzenköcherle. 8 Bde, Einführungsband, Abschlussband. Francke, Bern bzw. Basel 1962–2003. – D Originaalùfnaame vùm Schbroochatlas cha mer syd 2018 online aaluege: sprachatlas.ch – Alagna.
• Paul Zinsli: Walser Volkstum in der Schweiz, in Vorarlberg, Liechtenstein und Italien. Verlag Huber, Frauenfeld 1968.

1. ↑ Sy nid abgschlose Wäärch isch 1919 in s Handschrifdearchiv vù dr Schwyzerische Gselschaft fir Volkskund chùù; lueg Schweizer Volkskunde 9 (1919) 44.
2. ↑ Bericht an das h. eidgen. Departement des Innern und an die h. Regierungen der subventionierenden Kantone über den Gang der Arbeiten am Schweizerdeutschen Idiotikon während des Jahres 1919. [Zürich 1920], S. 5 (Digitalisat).
3. ↑ Fritz Gysling: Zu einigen Fremdwörtern in der Mundart von Alagna. In: Wir Walser 7/1, 1969, S. 16–24, doo S. 25.

Siidlige und Dialäkt vo de Walser in de Südalpe Walsergmaine: Aager | Arrimmu | Eischeme | Greschonei | Gurin | Im Land | Kampel | Magganaa | Migiandone | Urnafaasch | Pumatt | Remmalju | Rimask | Saley   Siidwalsertiitsch: Aagernertitsch | Arimmerditsch | Eischemtöitschu | Greschoneititsch | Gurijnärtitsch | Laindertitzschu | Magganaatitsch | Pumattertiitsch | Remmaljertittschu | Saleititsch

Dr Artikel „Alagnadeutsch“ isch einer vo de läsige Artikel. Churz zämmegfasst, isch de Artikel sproochlig un stilistisch guet gschriibe, bhandlet die wichtigscht Aspekt vum Thema, isch sachlig korrekt un neutral un wenn mögli bebilderet. Alli sin härzlich yglade wyter aa däm Artikel z schaffe, z erwiitre un z verbessre!