Mistler

Mistler (Turdus viscivorus)

Systematik

Chlass:	Vögel (Aves)
Ordnig:	Spatzevögel (Passeriformes)
Underordnig:	Singvögel (Passeri)
Familie:	Trostle (Turdidae)
Gattig:	Echti Trostle (Turdus)
Art:	Mistler

Wüsseschaftlige Name

Turdus viscivorus

Linnaeus, 1758

De Mistler (Turdus viscivorus; alemanischi Näme) isch e Zugvogel, wo vo mitti Horner bis mitti November i Mitteleuropa vorchunnt und i de Alpe bis 2600 müM verbraitet isch. Er cha liecht mit de Trostle verwechslet were, isch aber echli gröösser.

Uussie

De Mistler isch e bruune Vogel. Sini Undersiite isch wiiss mit bruune Tupfe. Mandli und Wiibli gsiend gliich uus. Er werd 26 bis 29 cm grooss binere Spannwiiti vo 42 bis 48 cm und eme Gwicht vo 110 bis 140 Gramm.

Lebeswiis

De Mistler mag Wälder, Pärk und Gärte, aber au Waide und Wise mit Bömm. Er baut sis Nest i Astgable. De Name het de Mistler, well er gern d Beeri vo de Mistle fresst. D Cherne tuet er mit em Vogeldreck wider uusschaide und trait so a de Verbraitig vo de Mistle e wichtige Biitraag. De Mistler fresst aber au anderi Fröcht und au Insekte, Regewörmer und Schnegge.

Büecher

Heinz Staffelbach: Handbuch Schweizer Alpen; Bern 2008.ISBN 978-3-258-06895-4
Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7