Louis van Rensburg

Louis van Rensburg
Agtergrondinligting
Gebore	31 Julie 1944
Sterf	9 September 2012 (op 68); Johannesburg
Genres	Ligte musiek, jazz
Beroep(e)	Sanger, komponis, liedjieskrywer
Instrumente	Stem, mondfluitjie, kitaar
Jare aktief	1973–2012
Webwerf	louisvanrensburg.co.za

Louis van Rensburg (* 31 Julie 1944 – † 9 September 2012) was ’n Afrikaanse sanger, komponis en liedjieskrywer. Hy het bekendheid verwerf met sy musiek vir die TV-reeks Ballade vir 'n enkeling, waaronder die liedjie "Voshaarnooi". Hy het ook klankbane vir verskeie ander TV-reekse soos Bart Nel, Bosveldwinkel, Wielie-Walie, Geknelde land, Meester en Arende geskryf. Meer onlangs het hy die temamusiek vir die sepie 7de Laan geskryf.^[1]

Van Rensburg is op die ouderdom van 68 oorlede nadat hy ’n maand vantevore in die Garden City-kliniek in Johannesburg met longontsteking opgeneem is.^[2] Hy laat sy vrou, Rita en twee seuns, Louis en Jacques agter.

Albums

Van Rensburg se albums:^[3]

Solus Sewe (1973)
Diverse Opnames (1974–1994)
Ek ken ’n Melodietjie (1975)
Ek en my Nooientjie (1976)
Bosveldwinkel (1980)
Katvoet (1981)
Bosveldhotel, die moevie (1982)
Windharp teen die tyd (1983)
Oom Lewies se Bosveldmusiek (1985)
Ballade vir ’n Enkeling (1986)
Voshaarnooi(1987)
My Musiek (1992)
Ballade vir ’n Enkeling 2 (1993)
Arende – Transkripsie (1994)
Arende – Select (1994)
Endangered Species (1995)
Jy mag maar (1999)
7de Laan (2000)
Tuiskoms (2012)

Hy het ’n SAMA-toekenning vir sy album Jy mag maar ingepalm.

Liedjies

Van sy bekendste liedjies is Voshaarnooi, Op My Ou Ramkietjie en Bella Boklam.

Ballade vir 'n Enkeling	Voshaarnooi
Die woorde van Richard van der Westhuizen se liedjie Ballade vir 'n Enkeling lui as volg: (Louis en Richard het saamgewerk aan die klankbaan van die reeks.)^[4] Vreemde nag Skarlaken nag Koerantpapiere, baksteenmure Neon nag Sirenes onder 'n donker maan Nag na nag mens na mens Donker nagte, onverwagte Skadufigure En elkeen is uiteindelik Enkeling, vreemdeling, verstoteling Rug gedraai op die ligtekring Agterstevoor, onderstebo Vreemdeling, enkeling, alleen Dag na dag Staat na straat Kaart na kaart mens na mens Nag na nag Dans na dans is elkeen 'n enkeling Vreemde nag Skarlaken nag Koerantpapiere, baksteenmure Neon nag Sirenes onder 'n donker maan	Die woorde van Voshaarnooi, sy toonsetting van Boerneef se gedig:^[5] Bantam hom so en flennie die snare Ek is verlief op die kind Die son slaan vuur uit die sweetvoshare Ek is verlief op die kind Hoor jy meisie met die sweetvoshare verstaan jy die praat van die ramkie snare Ek is verlief op jou kind Lappa lei vir Bella koud, in Waboomskloof se geelbossies Lappa maak vir Bella stout, Met Hanepoot se natrossies Donkerrooi die wingerdblaar en warmrooi die mond van haar My hart blom wit vir die voshaarnooi Pluk heide van die rooiste rooi Vir hierdie einste voshaarnooi Bellabint my meisiekind, dis hartblom wit, dis heiderooi Bellabint my meisiekind, dis hartblom wit, dis heiderooi Vir jou my voshaar meisiekind

Kyk ook

Lys van Suid-Afrikaanse musikante

Verwysings

↑ Bekende Afrikaanse sanger-liedjieskrywer sterf, Nuus24, 10 September 2012
↑ Bekende sanger oorlede Geargiveer 13 September 2012 op Wayback Machine, Volksblad, 9 September 2012
↑ louisvanrensburg.co.za^{[dooie skakel]}, besoek op 10 September 2012
↑ musiek.co.za Geargiveer 4 Maart 2016 op Wayback Machine, besoek op 10 September 2012.
↑ Die Oerknal van die liefde, besoek op 10 September 2012

Eksterne skakels

Wikimedia Commons het meer media in die kategorie Louis van Rensburg.

[1] Bekende Afrikaanse sanger-liedjieskrywer sterf, Nuus24, 10 September 2012

[2] Bekende sanger oorlede Geargiveer 13 September 2012 op Wayback Machine, Volksblad, 9 September 2012

[3] uisvanrensburg.co.za^{[dooie skakel]}, besoek op 10 September 2012

[4] usiek.co.za Geargiveer 4 Maart 2016 op Wayback Machine, besoek op 10 September 2012.

[5] Die Oerknal van die liefde, besoek op 10 September 2012

[1]

[2]

[3]

[4]

[5]