Paprika (plant)
Die paprika of rooirissie (Capsicum annuum) is ’n spesie van die genus Capsicum, wat inheems is aan suidelike Noord-Amerika en noordelike Suid-Amerika.[1][2] Dit is die mees algemene van die vyf capsicums wat vir huislike gebruik gekweek word.
| Paprika | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | C. annuum
|
| Binomiale naam | |
| Capsicum annuum L.
| |
Eienskappe
wysigHoewel die naam afgelei is van die Latynse woord annus (“jaar”), is die plant nie ’n jaarplant nie. Dit kan sonder ryp ’n paar seisoene oorleef en ’n groot meerjarige struik word.[3] Die enkelblomme is naaswit (soms pers) en die stam is vol takke en tot 60 cm hoog.
Die vrug is ’n bessie en kan groen, geel of rooi wees wanneer dit ryp is.[4] Die talle kultivars het ’n groot verskeidenheid rissies wat dwarsoor die wêreld geëet word. Hulle het ’n groot verskeidenheid vorms en groottes en is matig of warm; dit wissel van soetrissies tot brandrissies. Die kultivars is ontwikkel van die wilde Amerikaanse voëlrissie wat steeds in warmer dele van Amerika aangetref word.[5]
Hoewel die spesie in die meeste klimate kan groei, verkies dit warm, droë toestande.
Sierrissie
wysigSommige kultivars word gekweek as huisplante en staan bekend as sierrissies. Hul vrugte het soms ongewone kleure soos swart en pers. Almal is eetbaar en die meeste brand die verbruiker se mond.
Galery
wysig-
Verskillende soorte rissies.
-
Capsicum annuum 'Beaver Dam'
-
Capsicum annuum 'Bolivian rainbow'
-
Die tipiese blom van die paprika.
-
Soetrissies
-
Brandrissies.
Verwysings
wysig- ↑ "Capsicum annuum L." Germplasm Resources Information Network. United States Department of Agriculture. 22 Januarie 1997. Geargiveer vanaf die oorspronklike op 5 Junie 2011. Besoek op 29 Julie 2010.
- ↑ Latham, Elizabeth (3 Februarie 2009). "The colourful world of chillies". Stuff.co.nz (in Engels). Geargiveer vanaf die oorspronklike op 7 Maart 2016. Besoek op 8 Maart 2009.
- ↑ Katzer, Gernot (27 Mei 2008). "Paprika (Capsicum annuum L.)" (in Engels). Geargiveer vanaf die oorspronklike op 5 Oktober 2019. Besoek op 1 Desember 2012.
- ↑ Organisation for Economic Co-operation and Development (1 Julie 2006). Safety assessment of transgenic organisms: OECD consensus documents. OECD Publishing. pp. 299–. ISBN 978-92-64-02258-4. Besoek op 25 November 2011.
- ↑ Francis, John K. (9 September 2003). "Capsicum annuum L. bird pepper – USDA Forest Service" (PDF) (in Engels). Geargiveer (PDF) vanaf die oorspronklike op 17 Oktober 2012. Besoek op 30 September 2013.
Eksterne skakels
wysigWikimedia Commons het meer media in die kategorie Paprika (plant).
Wikispecies het meer inligting verwant aan Paprika (plant)
Hierdie artikel is vertaal uit die Engelse Wikipedia